1 Samuele 12:12 - MUKANDA WA MYIDI MUKULU

¹² Kadi panuamonyi Nakashe, mukalenga wa bena Amone, mufike bua kunuluisha, nuenu kungambila ne: “Tudi basue kuikala ne mukalenga!” Mbimueneka ne: Maweja-Nangila kavua mukalenga wenu to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hanuakatangila Nahasha, mukelenge wa Bena Amona, ulua bua kunuluisha, nuenu nuakangambila ne, Nansha, mukelenge utukokeshe, hakatshidi Yehowa, Nzambi wenu, mukelenge wenu.

1 Samuele 12:12 ပူးပေါင်းရင်းမြစ်များ

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Misambu 74:12

Kadi kuonsu eku Wewe udi Mukalenga wetu. Kale uvua muenze malu a dikema pa buloba.

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Yirmeya 40:11

Bena Yuda bavua ku bena Mowabe, ku bena Amone, ku bena Edome, nansha bavua mu ditunga dikuabu, bavua bumvua pabu bonsu ne: mukalenga wabena Babilone mmushiye bantu mu bukalenga bua Yuda, mmubateke mu bianza bia Ngedaliya.

Osheya 13:10

Mukalenga wenu udi penyi? Ke yeye uvua ne bua kunusungidila! Bamfumu benu bonsu badi penyi? Ke bavua ne bua kunulombola! Nuenu ke bavua bandomba mukalenga, bandomba kabidi ne bamfumu.

Dibadika 23:21

Maweja-Nangila kena mumone bubi, kena mumone buenzavi kudi bena Izrayele. Udi Mvidi Mukulu wabu, musombe munkatshi muabu. Badi bamutumbisha bualu udi mukalenga wabu.

Balombodi 8:23

Ngideyone kuandamuna ne: — Meme tshiena mua kuikala mukalenga wenu to, nansha muananyi kabidi. Anu Maweja-Nangila neikale mukalenga wenu.

Balombodi 9:18

Kadi lelu, nudi nubenga bena nzubu wende. Nudi bashipe bana bende ba balume makumi muanda mutekete pa lubuebue lumue. Nudi bateke Abimeleke bua ikale mukalenga wa Shekeme, bualu mmuanenu. Kadi Abimeleke mmuana uvua tatu mulele ne mukaji mupika.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 8:3

Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.