1 Samuele 11:6 - MUKANDA WA MYIDI MUKULU

⁶ Shawule umvua nanku, Mueyelu wa Mvidi Mukulu kumutulukila, kupetaye tshiji tshikole.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakunvua Shaula mei â, Nyuma wa Nzambi wakamutulukila bikole, ne tshiji tshiandi tshiakatema bikole.

1 Samuele 11:6 ပူးပေါင်းရင်းမြစ်များ

Ekesode 32:19

Moshe ufika pabuipi ne muaba uvua bantu, kumonaye lupingu lua kana ka ngombe ka tshiamu tshia mpawungi, bantu balujila maja. Nanku, kufikaye munda bikole, kuimanshaye mabue avuaye nawu ku bianza kuinshi kua mukuna, mabue awu kukosekawu.

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Marke 3:5

Yezu kubatangila bonsu ne tshiji, uvua kabidi ne kanyinganyinga bua muoyi mubi uvuabu nawu. Ke kuambilaye muntu awu ne: — Olola tshianza thiebe. Muntu kutshiolola, kuakanatshi.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Balombodi 11:29

Mueyelu wa Maweja-Nangila kutulukila Yefete. Kuendakanaye mu buloba bua Ngilaade ne bua Menashe. Kupitshilaye ku Mispa mu Ngilaade, bua kufika mu buloba bua bena Amone.

Balombodi 13:25

Muana awu, uvua mu mitanda ya Dane, pankatshi pa Sora ne Eshetayole, tshikondu tshivua Mueyelu wa Maweja-Nangila mutuadije kumuenzeja malu a dikema musangu wa kumpala.

Balombodi 14:6

Mueyelu wa Maweja-Nangila kutulukila Shimeshone. Awu uvua anu bianza bitupu. Kadi kupandaye muana wa ntambue awu bipese, amu bu udi upanda kana ka mbuji. Kadi Shimeshone kena muambile baledi bende bionsu bivuaye muenze abi to.

Balombodi 15:14

Bafike ku Leki, bena Peleshete kuya kubakidila, bela bibingu bia ditshimuna. Ke Mueyelu wa Maweja-Nangila kutulukila Shimeshone. Mionji ivuabu bamusuike ku maboku ne ku bianza, kukosekayi diakamue, anu bu buanda bua ndanda buosha mu kapia.

Balombodi 3:10

Mueyelu wa Maweja-Nangila kutulukila Otniyele. Kushalaye mulombodi wa bena Izrayele. Kuyaye kuluangana mvita. Maweja-Nangila kumupesha bukole bua kutshimunaye mukalenga Kushane-Rishatayime.

Balombodi 6:34

Kadi Mueyelu wa Maweja-Nangila kutulukila Ngideyone. Awu kuela mpungi bua kubikila bantu ba mu diku dia Abiyezere bua bamulonde.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.

1 Samuele 10:6

Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 16:14

Mueyelu wa Maweja-Nangila kumuka kudi Shawule. Maweja-Nangila kutumina Shawule mukishi mubi bua kumukengeshawu.