1 Samuele 11:13 - MUKANDA WA MYIDI MUKULU

¹³ Shawule kuandamuna ne: — Kabena mua kushipa muntu nansha umue dituku dia mushindu ewu to. Bualu lelu ndituku didi Maweja-Nangila mupeshe bena Izrayele bukole bua kutshimuna.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Shaula wakamba ne, Kabena bashiha muntu lelu, bualu bua Yehowa wakamenesha luhandu luandi mu Isalele.

1 Samuele 11:13 ပူးပေါင်းရင်းမြစ်များ

2 Samuele 19:22

Kadi Abishayi, muana wa Seruya, kukonka mukalenga Davide ne: — Bualu budi Shimeyi wamba ebu, ke budi butukandika bua katumushipi anyi? Kena mutshipe mukalenga uvua Maweja-Nangila musungule anyi?

2 Samuele 19:23

Mukalenga Davide kukonka Abishayi ne muanabu Yowabe ne: — Nuenu, bana ba Seruya, nudi nubuelakana mu malu aa bua tshinyi? Mpindiewu nudi nubenga tshindi musue bua tshinyi? Tshiena musue bua bashipe muntu wa bena Izrayele dituku dia lelu, dindi mujadike meme nkayanyi ne: ndi mukalenga wa bena Izrayele bulelela!

2 Samuele 23:10

Elazare kujuka, kushipa bena Peleshete too ne pavua tshianza tshiende tshishikile, tshibengela amu ku tshilabi tshia muela. Dituku adi, Maweja-Nangila kuambuluisha bena Izrayele, kutshimunabu. Bena mvita bavua bapingana muaba uvua Elazare, anu bua kupawula bintu bia bantu bafue mu mvita.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 14:30

Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Yeshaya 59:16

Maweja-Nangila uvua mumone muvua muntu nansha umue kayi wambuluisha bavuabu bakengesha. Uvua ukema, bua pavua bantu kabayi bambuluishangana. Ke mudiye musue kukuata mudimu yeye mene. Bu mudiye unanga bantu, udi ukeba kubasungidila.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 19:5

Uvua mua kufua mu mvita iwaye uluangana ne Ngoliyate muena Peleshete. Dituku adi, Maweja-Nangila kuambuluisha bena Izrayele, kutshimunabu bena Peleshete bikole. Wewe uvua mumone bionsu abi, wewe kusanka bikole. Kadi mpindiewu, udi musue kupia tshibawu, kumatshisha mashi a muntu udi kayi ne bualu panshi bua tshinyi? Udi ukeba kushipa Davide kayi ne tshidiye muenze bua tshinyi?