1 Samuele 11:11 - MUKANDA WA MYIDI MUKULU

¹¹ Butshia dinda, Shawule kutapulula bena mvita bende mu bisumbu bisatu. Kubuelabu munkatshi mua mitanda ya baluishi babu, butuku kabuyi buanji kutshia. Kushipabu bena Amone too ne munda munya. Bena Amone bavua bashala ne muoyi kutangalaka bonsu. Muntu yonsu uvua ukeba anu mua kudipandisha, kabayi nansha mua kunyema babidi babidi to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakatshiabu, Shaula wakatahulula bantu mu bisumbu bisatu; bakafika ku tshitudilu dinda dionso, bakashiha Bena Amona tô ne ku munda munya; bakadi bashala ne muoyo bakamuangalaka, nansha bantu babidi bakashala kaba kamue.

1 Samuele 11:11 ပူးပေါင်းရင်းမြစ်များ

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

2 Samuele 18:2

Kupeshaye mansebende Yowabe, muana wa Seruya, tshia bisatu tshimue tshia bena mvita. Kupeshaye Abishayi muanabu ne Yowabe tshia bisatu tshimue kabidi. Kupeshaye Itayi wa mu tshimenga tshia Ngate tshia bisatu tshikuabu. Kumanyishaye bena mvita ne: netuye nenu mu mvita.

Misambu 46:1

Musambu wa mu mukanda wa mulombodi wa bena misambu ne wa mu mukanda wa misambu wa bena Kora wa kuimba ne meyi matue.

Ekesode 14:24

Patshiatshia, Maweja-Nangila, uvua mu divuba ne mu tshimunyi tshia kapia, kumona tshiluilu tshia mvita tshia bena Ejipitu. Kutshiompakajaye tshiluilu atshi.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.

Balombodi 4:16

Barake kulondakaja matempu a mvita ne baluishi bende too ne ku Aroshete-Ngoyime. Kushipaye bena mvita ba Sisra bonsu. Kakuvua kushala muntu nansha umue ne muoyi to.

Balombodi 7:16

Ngideyone kutapulula bena mvita nkama isatu ayi mu bisumbu bisatu. Kupeshaye muntu yonsu mpungi, mulondu wa munda mutupu, ne tshimunyi tshia kuteka munda mua mulondu amu.

Balombodi 7:20

Bisumbu bikuabu bibidi kuenza nanku kabidi. Bonsu kukuata bimunyi mu tshianza tshia bakaji, mpungi mu tshianza tshia balume, bela mbila ne: — Tuluishayi bantu aba mu dina dia Maweja-Nangila, ne dia Ngideyone!

Balombodi 9:43

Nanku Abimeleke kutapulula bena mvita bende mu bisumbu bisatu. Kushalabu mu tshisuku, balamine. Abimeleke umona bena Shekeme bapatuka mu tshimenga, kuyaye lukasa bua kubaluisha.

1 Samuele 11:2

Mukalenga Nakashe kuandamuna ne: — Eyowa, ndi musue kutua nenu ndondu, kadi anu panuikala bitabe bua meme kushipa disu dia luseke lua balume dia muntu yonsu wa kunudi, bua meme kufuisha bena Izrayele bonsu bundu.

1 Samuele 14:47

Anu Shawule upeta bukalenga mu bena Izrayele, kuluishaye baluishi bende bavua ku nseke yonsu: bena Mowabe, bena Amone, bena Edome, bena mu bukalenge bua Soba, ne bena Peleshete. Miaba yonsu ayi, Shawule uvua anu utshimuna.