1 Samuele 10:6 - MUKANDA WA MYIDI MUKULU

⁶ Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nyuma wa Yehowa neakutulukile bikole, wewe newambe nʼabo dî dia Nzambi, wewe neukudimuke bu mu ntu mukuabo.

1 Samuele 10:6 ပူးပေါင်းရင်းမြစ်များ

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 11:25

Maweja-Nangila kupueka mu divuba bua kuyukila ne Moshe. Kuabanyinaye bakulu ba bena Izrayele abu, tshitupa tshia bukole bua Mueyelu wende, buvuaye mupeshe Moshe. Bakulu bamane kupeta Mueyelu wa Mvidi Mukulu, kutuadijabu kuakula bu bambi. Kadi kabivua bitungunuka to.

Dibadika 11:26

Ku bantu makumi muanda mutekete abu, bantu babidi, Eldade ne Medade, bavua bashale ku mitanda. Kabavua baye ku ntenta wa kusambakena to. Kadi kupetabu pabu Mueyelu wa Mvidi Mukulu. Kubangabu kuakula bu bambi munkatshi mua mitanda.

Dibadika 11:29

Moshe kuandamuna ne: — Lekela kungumvuila mukawu! Meme ndi njinga ne: Maweja-Nangila apeshe bena Izrayele bonsu Mueyelu wende bua bikale bonsu bambi!

Matayi 7:22

Pafika dituku dia tshilumbuluilu, ba bungi nebangambe ne: “Mfumu, Mfumu, tuvua bamanyishe bantu malu a Mvidi Mukulu mu dina diebe, tuvua bipate mikishi mibi mu dina diebe, kabidi tuvua benze bishima bia bungi mu dina diebe!”

Balombodi 14:6

Mueyelu wa Maweja-Nangila kutulukila Shimeshone. Awu uvua anu bianza bitupu. Kadi kupandaye muana wa ntambue awu bipese, amu bu udi upanda kana ka mbuji. Kadi Shimeshone kena muambile baledi bende bionsu bivuaye muenze abi to.

Balombodi 15:14

Bafike ku Leki, bena Peleshete kuya kubakidila, bela bibingu bia ditshimuna. Ke Mueyelu wa Maweja-Nangila kutulukila Shimeshone. Mionji ivuabu bamusuike ku maboku ne ku bianza, kukosekayi diakamue, anu bu buanda bua ndanda buosha mu kapia.

Balombodi 3:10

Mueyelu wa Maweja-Nangila kutulukila Otniyele. Kushalaye mulombodi wa bena Izrayele. Kuyaye kuluangana mvita. Maweja-Nangila kumupesha bukole bua kutshimunaye mukalenga Kushane-Rishatayime.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.

1 Samuele 10:9

Anu Shawule umuka muaba uvua Samuwele, Mvidi Mukulu kushintulula Shawule bikole, katshiyi bu muvuaye amu to. Bionsu bivua Samuwele muambila Shawule, kukumbanabi anu dituku adi.

1 Samuele 11:6

Shawule umvua nanku, Mueyelu wa Mvidi Mukulu kumutulukila, kupetaye tshiji tshikole.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 19:20

Shawule kutuma kabidi bantu bua kukuata Davide. Bantu abu bamone tshisumbu tshia bambi ne mfumuabu Samuwele, bikale baja maja, bela mbila, Mueyelu wa Mvidi Mukulu kubatulukila. Kutuadijabu kuja maja, kuela mbila.