1 Samuele 10:3 - MUKANDA WA MYIDI MUKULU

³ Pawatungunuka ne luendu, neufike pabuipi ne mutshi wa lusanga wa ku Tabore. Muaba awu, neusambakene ne bantu balume basatu badi baya mu nzubu wa Mvidi Mukulu wa mu Betele. Muntu umue neikale muambule bana ba mbuji basatu, muibidi neikale muambule tukata tua mampa lupepele tusatu, muisatu neikale muambule mulondu wa biseba muikale ne maluvu.

Mukanda wa Nzambi Dihungila Dikulukulu ne Dihungila Dihia-dihia 2003

³ Hashishe bûdi nʼabu mbua kumuka ku muaba au tô ne hawafika ku mutshi wa telebinta wa ku Tabô; wewe neusangileku ne balume basatu baya ku Betele bua kutendelela Nzambi, umue mutuale bana ba mbushi basatu, mukuabo muambule mitanda ya bidia isatu, ne mukuabo muambule mulondo wa nvinyo;

1 Samuele 10:3 ပူးပေါင်းရင်းမြစ်များ

Genese 28:19

Yakobe kuinyika muaba awu ne: Betele, mmumue ne: Nzubu wa Mvidi Mukulu. (Muaba awu bavua baubikila ku kale ne: Luze.)

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

Genese 35:1

Dituku dikuabu Mvidi Mukulu kuambila Yakobe ne: — Juka, uye kuasa ku Betele. Ungashileku tshilambuilu, bualu ke muaba umvua mukumuenekele pauvua unyema muanenu Esawu.

Genese 35:3

Dilongololayi, tuyayi ku Betele. Nengashileku Mvidi Mukulu tshilambuilu, bualu uvua mungambuluishe pamvua mu dikenga dikole. Uvua mundame miaba yonsu imvua nya.

Misambu 89:12

Diulu ndiebe, buloba mbuebe kabidi, wewe ke udi muase buloba bujima, ne bionsu bidipu.

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 23:13

Mulambu awu, nuulambule pamue ne mulambu wa kuosha wa bukula bua kilo isambombu, bunuvua basambakaje ne mafuta. Nenganyishe dipembu dia mupuya wa mulambu awu. Nundambule milambu ayi pamue ne litre wa maluvu umue ne tshitupa.

Lewitiki 3:12

“Padi muena Izrayele ulambula mbuji, aye nende muaba wa tshijila.

Lewitiki 3:6

“Kadi padi muena Izrayele ulambula Maweja-Nangila mbuji nansha mukoku bu mulambu wa bobumue, tshimuna atshi tshikale tshilume nansha tshikaji, katshiyi bulema.

Lewitiki 7:13

Pashishe ambule kabidi diampa diela buanga, didibu balambula pamue ne mulambu wa kutumbisha nawu Maweja-Nangila.

Yoshua 19:12

Ku luseke lukuabu lua Saride, mukalu uvua uyila ku luseke ludi diba dipatukila, upitshila mu buloba bua Kislote-Tabore, usambukila ku Dabrate, ubanda ufika ku Yafiya.

Yoshua 19:22

Mukalu wabu uvua ufika ku Tabore, Shashayime, Bete-Shemeshe, ushikidila ku musulu wa Yardene. Mu buloba ebu muvua bimenga dikumi ne bisambombu, muvua kabidi misoku ivua pabuipi ne bimenga ebi.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

Balombodi 20:27

Tshikondu atshi, mushete wa tshijila wa Mvidi Mukulu uvua ku Betele.

Balombodi 4:12

Sisra kumvua lumu ne: Barake, muana wa Abinoyame, udi ku mukuna wa Tabore.

Balombodi 4:6

Dituku dikuabu, Debora kubikidisha Barake, muana wa Abinoyame, uvua usomba mu Kadeshe mu buloba bua Naftali. Debora kuambila Barake ne: — Teleja tshidi Maweja-Nangila Mvidi Mukulu wa bena Izrayele ukuambila bua kuenza: “Uye kusungula bantu balume binunu dikumi ku tshisamba tshia Naftali, ne tshia Zebulone. Uye nabu pa mukuna wa. Tabore.

Balombodi 8:18

Pashishe Ngideyone kukonka Zeba ne Salmuna ne: — Bantu banuvua bashipe ku Tabore, bavua mushindu kaayi? Kumuandamunabu ne: — Bantu abu bavua bafuanangane nebe. Muntu yonsu wa kudibu uvua mufuanangane ne muana wa mukalenga!

1 Samuele 10:4

Bantu abu nebakukonke muudi muladile. Nebakulambule mampa abidi. Wangata mampa awu.