1 Samuele 10:2 - MUKANDA WA MYIDI MUKULU

² Mpindiewu netushiyangane nebe. Kadi pawafika ku Selsa, mu buloba bua bena Binyamine, neusambakene ne bantu balume babidi, pabuipi ne lukita lua Rakele. Nebakuambile ne: “Nyama ya mpunde iuvua ukeba, mbamane kuyimona. Tatuebe katshiena ukeba nyama to, ukadi ukukeba amu wewe. Udi ukeba mushindu wa kukumona wewe muanende wa balume.”

Mukanda wa Nzambi Dihungila Dikulukulu ne Dihungila Dihia-dihia 2003

² Haumuka kundi lelu, wewe neusungile ne balume babidi ha majambu a Lakele ku Selesa ku mukata wa buloba bua Benyamina; bobo nebakuambile ne, Nyama ya mpunda îwakaya kukeba yakamueneka; mona, tatu webe wakalekela kunyingalasha mutshima bua nyama ya mpunda, udi unyingalasha mutshima bualu buebe, wamba ne, Nengenze tshinyi bua muanʼanyi wa balume?

1 Samuele 10:2 ပူးပေါင်းရင်းမြစ်များ

Genese 35:16

Yakobe ne bena diende kumuangala ku Betele. Kabayi banji kufika ku Efrata, Rakele kulela muana. Kadi kulela aku kuvua kukole!

Genese 48:7

Bualu pamvua ngumukila ku Mezopotamiya, mamuebe Rakele kufuila mu njila, muaba umvua mu ditunga dia Kenaane, tshiyi muanji kufika mu musoku wa Efrata. Meme kumujika muine amu ku mpenga kua njila (Efrata ke musoku udibu babikila mpindiewu ne: Betleyeme).

Yirmeya 31:15

Maweja-Nangila udi wamba ne: Umvuayi mudibu badila muadi mu Rama, bela miyenga mikole. Rakele ke udi udila bana bende. Kena musue bua bantu bamusambe, bualu mmujimije bana bende.

Yoshua 18:28

Sela, Elefe, tshimenga tshia bena Yebusa, mmumue ne: Yerushalayime, Ngibeya ne Kiriyate. Bimenga bionsu bivua dikumi ne binayi, tusangishe ne misoku ivua mutumba. Ke buloba bua bena Binyamine bilondeshile muvua meku abu.

1 Samuele 10:16

Shawule kumuambila ne: — Wakutumanyisha ne: nyama yenu ya mpunde mmimane kumueneka. Kadi Shawule kena muambile mansebende malu avua Samuwele mumuambile bua bukalenga to.