1 Samuele 1:3 - MUKANDA WA MYIDI MUKULU

³ Tshidimu tshionsu, Elkana uvua umuka mu tshimenga tshia Rama, uya mu nzubu wa Mvidi Mukulu wa ku Silo bua kutendelela Maweja-Nangila Mvidi Mukulu wa Izrayele, ne kumulambula milambu. Ofni ne Pinhase, bana ba balume babidi ba mutuangaji Eli, ke bavua batuangaji ba Maweja-Nangila mu Silo.

Mukanda wa Nzambi Dihungila Dikulukulu ne Dihungila Dihia-dihia 2003

³ Muntu eu wakadi Umuka ku musoko wandi ku tshidimu ku tshidimu bua kutendeleleye ne bua kufileye milambu kudi Yehowa wa misumba ku Shilo. Bana balume babidi ba Eli, bakuidi ba Yehowa, bakadiku mena abo Hofeni ne Pinehasa.

1 Samuele 1:3 ပူးပေါင်းရင်းမြစ်များ

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Ekesode 23:14

“Nuikale nungenzela bibilu bisatu ku tshidimu tshionsu.

Ekesode 23:17

Nanku bantu balume bonsu nebikale bamueneka kumpala kua Maweja-Nangila misangu isatu ku tshidimu mu bibilu abi.

Ekesode 34:23

“Bantu balume bonsu ba mu ditunga dienu, bikale badisangisha kumpala kuanyi meme Maweja-Nangila Mvidi Mukulu wa Izrayele, misangu isatu ku tshidimu tshionsu bua kuntendelela.

Luke 2:41

Ku tshidimu ku tshidimu baledi ba Yezu bavua baya mu Yerushalayime ku tshibilu tshia Dipita dia Maweja-Nangila.

Dielulula 16:16

Ku tshidimu tshionsu, bantu balume bonsu badi munkatshi muenu, nebadileje kudi Maweja-Nangila misangu isatu, muaba wikalaye musungule, bua tshibilu tshia mampa adi kaayi mela buanga, bua tshibilu tshia Dinowa biakudia, ne bua tshibilu tshia tuzubu tua Bisasa. Kadi muntu kafiki mu nzubu wa Mvidi Mukulu wenu kayi ne tshintu tshia kumulambula to.

Yoshua 18:1

Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Balombodi 18:31

Bena Dane bavua anu batendelela lupingu lua Mika matuku onsu awa muaba wa tshijila wa Mvidi Mukulu mu Silo.

Balombodi 21:19

Bena Izrayele kuvuluka ne: tshibilu tshia Maweja-Nangila tshia ku tshidimu tshionsu ku Silo, tshidi pabuipi. Silo ntshimenga tshivua ku mutu kua Betele, kuinshi kua Lebona, luseke ludi diba dipatukila lua njila udi mumuke ku Betele muye ku Shekeme.

1 Samuele 1:21

Pashishe Elkana kuya kabidi ku Silo ne bena nzubu wende bonsu bua kulambula Maweja-Nangila mulambu wa ku tshidimu, ne mulambu wa mapiku avuaye muela.

1 Samuele 1:9

Bajikija kudia, Ane kuya mu mushiku wa muaba wa tshijila ku Silo. Mutuangaji Eli uvua musombe pa nkuasa mu mushiku wa nzubu.

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.

1 Samuele 2:19

Tshidimu tshionsu, Ane, mamuende wa Samuwele, uvua utelela Samuwele tshinkutu tshikese, umutuadilatshi pavuabu baye ne bayende ku Silo bua kulambula mulambu wa ku tshidimu.

1 Samuele 2:34

“Bua wewe kujadika bionsu bindi nkuambila ebi, neumone malu enzekela Ofni ne Pinhase, bana bebe ba balume babidi. Nebafue bonsu babidi dituku dimue.

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.

1 Samuele 4:11

Bena Peleshete kunyenga mushete wa tshijila. Ofni ne Pinhase, bana ba balume babidi ba mutuangaji Eli, kufua.

1 Samuele 4:4

Bena Izrayele kutuma bantu ku Silo, bua kuangata mushete wa tshijila wa Maweja-Nangila Mvidi Mukulu wa biluilu bia bena Izrayele, udi usomba pa mutu pa bakerubine. Ofni ne Pinhase, bana ba balume babidi ba mutuangaji Eli, ke bavua benda pabuipi ne mushete wa ndondu.