1 Samuele 1:15 - MUKANDA WA MYIDI MUKULU

¹⁵ Ane kuandamuna ne: — Tshiena mukuatshika maluvu to. Ndi mukaji muena dikenga. Tshiena munue maluvu to. Ndi mufike muaba ewu bua kukuatshila Maweja-Nangila dikenga dianyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

1 Samuele 1:15 ပူးပေါင်းရင်းမြစ်များ

Yobe 30:16

Mpindiewu nkadi nkeba kufua. Matuku onsu ndi amu mu dikenga.

Misambu 143:6

Ndi ngolola bianza kuudi, ndiumvua ku mesu ebe ne nyota bu buloba buume bukeba mayi.

Misambu 42:4

Butuku ne munya tshianyi tshiakudia ke binsonji. Badi bankonka matuku onsu ne: “Mvidi Mukulu webe udi penyi?”

Misambu 62:8

Mvidi Mukulu neampandishe. Neampingajile lumu. Yeye ke lubuebue luanyi, muaba undi mua kusokomena.

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Nsumuinu 14:10

Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 25:15

Lutulu ludi lutekesha muoyi wa mukoshi wa nsambu. Miaku ya kanemu idi ipita mikanu bukole.

Muadi 2:19

Kupuwi to! Asa amu muadi ku diba ne ku diba, dila butuku bujima. Ambila Maweja-Nangila bionsu bidi munda muebe. Umuoluele bianza, umutendekene, bua bana bebe, badi benda bafua ne nzala ku mielelu yonsu ya njila, bapete muoyi.

1 Samuele 1:16

Nanku kummonyi bu mukaji udi kayi ne mushinga. Ndi ndomba Mvidi Mukulu musangu mule, bualu ndi ne kanyinganyinga kakole ne dibungama kabidi.

1 Samuele 7:6

Bena Izrayele kudisangisha ku Mispa. Kusunabu mayi, kuitshikijabu panshi kumpala kua Maweja-Nangila. Kujilabu biakudia dituku adi. Pashishe kutondabu mibi yabu, bamba ne: tuvua batombokela Maweja-Nangila. Nanku, anu ku Mispa aku, Samuwele kutuadija kulombola bena Izrayele.