1 Samuele 1:1 - MUKANDA WA MYIDI MUKULU

¹ Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu wa mu Lamatayimasofima wa ku mikuna ya Efelayima wakadiku, dina diandi Elekana, muana wa Yelohama, muana wa Elihu, muana wa Tohu, muana wa Sufa, Muena Efelayima,

1 Samuele 1:1 ပူးပေါင်းရင်းမြစ်များ

1 Bakalenga 11:26

Yerobowame kabidi uvua mutombokele mukalenga Shelomu mushindu ewu: Yerobowame, muana wa Nebate, uvua muena Efrayime wa mu musoku wa Sereda. Mamuende uvua mukaji mukamba, dina diende Seruya. Yerobowame uvua muena mudimu wa Shelomu. Kadi kumutombokelaye. Tshikondu tshivua Shelomu muwuje ne buloba muaba wa Milo, ulongoluesha miaba ivua mitubuke ku bimana bivua binyungulule Tshimenga tshia Davide,

1 Kulondolola 6:12

Eliyabe, Yerowame ne Elkana.

1 Kulondolola 6:22

Takate, Ashire, Abiyashafe, Kora,

1 Kulondolola 6:33

Bantu bakuabu ba mu tshisamba tshia Levi bavua benza midimu mikuabu yonsu ivua itangila muaba wa tshijila wa Mvidi Mukulu.

1 Kulondolola 6:34

Kadi amu Arone ne ndelanganyi yende bavua benza mudimu wa batuangaji, wa kulambula milambu ya nyama ne ya manananshi, kuyiteka pa bilambuilu biayi. Amu bobu ke bavua babuela muaba wa tshijila menemene bua kuenzela Maweja-Nangila midimu yonsu. Bobu ke bavua bakobolola bena Izrayele, bilondeshile mikenji ya Mvidi Mukulu ivuaye muambile Moshe, muntu wende.

Matayi 27:57

Dilolu, muena biuma wa mu tshimenga tshia Arimateya kufika. Dina diende Yozefe. Utua kabidi mulongi wa Yezu.

Yoshua 24:33

Elazare, muana wa Arone, kufua kabidi. Kumujikabu pa mukuna uvuabu bapeshe muanende wa balume Pinase luseke lua mikuna ya Efrayime.

Balombodi 12:5

Ke bena Ngilaade kukuata malobu a Yardene, bua bena Efrayime kabapetshi mushindu wa kupita. Misangu yonsu, pavua muntu uvua munyeme ufika bua kupita, bavua bamukonka ne: — Udi muena Efrayime anyi? Pavua muntu awu ubenga ne: “Tshiena muena Efrayime to”,

Balombodi 17:1

Mu buloba bua mikuna ya Efrayime, muvua muntu mulume, dina diende Mika.

Balombodi 19:1

Tshikondu tshivua bena Izrayele kabayi banji kupeta mukalenga, muena Levi mukuabu uvua musombele ku luseke, mu buloba bua mikuna bua Efrayime. Muena Levi awu, uvua mubanjije mukaji mukuabu wa mu Beteleyeme, mu Yuda.

Balombodi 4:5

Uvua usomba muinshi mua dibue dia ngaji. Ke muvuabu binyika dibue adi ne: ndibue dia ngaji dia Debora. Divua pankatshi pa tshimenga tshia Rama ne tshia Betele, mu buloba bua mikuna bua Efrayime. Ke muaba uvua bena Izrayele baye kudi Debora, bua abalumbuluishe.

Rute 1:2

Muntu awu uvua Elimeleke, mukajende uvua Nowemi. Bana bende ba balume babidi, bawa Malone ne Kiliyone. Bawa bena mu tshisamba tshia Efrata. Bobu bamane kuasa mu ditunga dia Mowabe,

Rute 4:22

Obede kulela Ishayi, Ishayi kulela Davide.

1 Samuele 1:19

Butshia dinda, Elkana ne bena nzubu wende bonsu kuya kutendelela Maweja-Nangila. Pashishe kupinganabu kuabu mu Rama. Elkana kubuelela mukajende Ane mu nzubu. Maweja-Nangila kuitaba dilomba dia Ane.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

1 Samuele 2:11

Ke Elkana kupingana kuende ku Rama. Kadi Samuwele muana kushala ku Silo bua kuenzela Maweja-Nangila mudimu. Bavua bamulombola kudi mutuangaji Eli.

1 Samuele 7:17

Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.

1 Samuele 9:4

Shawule ne muena mudimu awu, kudianjilabu kupitshila mu buloba bua mikuna ya Efrayime. Pashishe kupitshilabu mu buloba bua Shalisha. Kadi kabena bamona nyama ayi to. Kupitshilabu mu buloba bua Shalime, kabayi bayimona. Kuyabu mu buloba bua Binyamine, kadi kabena bayimona to.

1 Samuele 9:5

Kadi bafika mu buloba bua Sufa, Shawule kuambila muena mudimu ne: — Tupingane ku nzubu. Patupu tatu wanyi, kakupampakana kabidi bua nyama ya mpunde to. Neatuadije kunyingalala bualu buetu.