1 Kulondolola 4:9 - MUKANDA WA MYIDI MUKULU

⁹ Yabese uvua mumanyike bikole munkatshi mua bana babu. Mamuende uvua mumuinyike dina dia Yabese, bualu mamu uvua musame bikole pa kumulela.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yabesa wakatamba bana babo mu butumbi; mamu wandi wakamuidika dina ne, Yabesa, wamba ne, Nakamulela ne kanyinganyinga.

1 Kulondolola 4:9 ပူးပေါင်းရင်းမြစ်များ

Genese 3:16

Maweja-Nangila Mvidi Mukulu kuambila mukaji ne: — Pawimita difu nenkuvudijile makenga. Neulele bana anu mu dikenga. Kabidi, newikale utuma mwoyi webe anu kudi bayebe, yeye neikale mfumuebe.

Genese 34:19

Nanku bu muvua Shekeme munange Diina ne muoyi wende mujima, kuyaye lukasa bua kukumbaja bivua baku bende bambe. Bavua bamumvuile kabidi bikole kudi bena diku diabu.

Genese 35:18

Rakele ulela, kushala ukengakana ne lufu. Pa kukulaye muoyi, kuinyikaye muana awu ne: Benoni, mmumue ne: Makenga. Kadi Yakobe, tatuende kumuinyika ne: Binyamine, mmumue ne: Diboku dia bukole.

1 Kulondolola 4:10

Yabese uvua utendelela Mvidi Mukulu wamba ne: “Mvidi Mukulu wa bena Izrayele, ungele lupemba, umvudijile bindi nabi, undame. Kadi ungumbushile diakabi ne makenga!” Mvidi Mukulu kumupesha tshivuaye umulomba.

1 Kulondolola 4:8

Kose uvua tatuende wa Anube ne wa Sobeba. Yeye ke nkambua wa bena Akarekele, muana wa Arume.

1 Kulondolola 7:23

Pashishe Efrayime kubuelela kabidi mukajende mu nzubu. Awu kulela muana wa balume. Kumuinyikaye Beriya, bualu bena nzubu wende bavua mu dikenga.

Nsumuinu 23:25

Usankishe tatuebe ne mamuebe nanku. Mamuebe apetele diakalenga adi kuudi.

Yeshaya 43:4

Bualu udi ne mushinga ku mesu anyi. Kakuena mukuabu, amu wewe! Meme ndi mukunange. Nenku, ndi mfila bantu bakuabu pa mutu pebe. Bisamba bikuabu nembishintakaje nebe.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

1 Samuele 4:21

Pashishe mukaji awu kuamba ne: — Bu mudi butumbi bua Mvidi Mukulu bumuke munkatshi mua bena Izrayele, ndi nginyika muana ewu dina ne: Ikabode. Dina edi mbua kuleja ne: “Butumbi ka-butshienaku.” Dina edi divu bua kuvuluka mushete wa tshijila uvuabu banyenge, ne kuvuluka lufu lua tatuende muenu, ne lua bayende Pinhase.