1 Korente 9:1 - MUKANDA WA MYIDI MUKULU

¹ Tshiena mua kuenza mundi musue anyi? Tshiena mupostolu anyi? Tshiona mumone Yezu Mfumu wetu anyi? Nuenu kanuena tshipeta tshia ku mudimu undi mukuatshile Mfumu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹ Tshiena ne budishikaminyi, anyi? Tshiena mupostolo, anyi? Tshiakutangila Yesu, Mukelenge wetu, anyi? Nuenu kanuena bu mudimu wanyi mu Mukelenge, anyi?

1 Korente 9:1 ပူးပေါင်းရင်းမြစ်များ

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Bienzedi 14:14

Kadi bapostolu babidi kumanya bualu abu. Kupandabu bilamba biabu, kuya lubilu kudi bantu, benda bela mbila ne:

Bienzedi 14:4

Ke bena mu tshimenga kuabulukangana: bamue banyisha bena Yuda, bakuabu bitaba bapostolu.

Bienzedi 23:11

Butuku, Mfumu kumuenekela Polu, umuambila ne: — Kolesha muoyi. Mu Yerushalayime emu, udi muleje bantu muudi ungitaba. Ke muwaya kuenza kabidi ne mu Rome!

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Bienzedi 9:3

Patshivuaye mu njila uya mu Damase, ufika pabuipi ne tshimenga atshi, bu mpindiewu butoke kufuma mu diulu, kumunyungulukila.

Bienzedi 9:5

Shawule kuebeja ne: — Mukalenga, wewe udi nganyi? Ke diyi kuandamuna ne: — Ndi Yezu uudi ukengesha.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Rome 11:13

Mpindiewu ndi nnuambila nuenu bantu ba bisamba bikuabu ne: ndi mupostolu udibu bafundile mudimu wa kulongesha bantu badi kabayi bena Yuda. Ndi nsanka bua mudimu wanyi ewu.

1 Korente 1:1

Meme Polu, uvua Mvidi Mukulu musue kusungula, bua ngikale mupostolu wa Yezu Kristu, pamue ne muanetu Sostene,

1 Korente 10:29

tshiena ngamba ne: kondu kenu ka munda kadi kanupisha; kadi ka muntu mukuabu awu kadi kamupisha yeye. Bumue nenunkonke ne: “Kadi mudi kondu ka bakuabu kankandika mua kuenza mundi musue mbishi?

1 Korente 10:30

Pandi ndia, ngela Mvidi Mukulu tuasakidila, mudibu mua kungasa tshilumbu, pandi ndia bindi ngela nabi Mvidi Mukulu tuasakidila, mmunyi?”

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Korente 3:6

Mvua mukune maminu, Apolose kuamiamina mayi. Kadi Mvidi Mukulu ke udi wamenesha.

1 Korente 9:19

Ndi mua kuenza mundi musue. Tshiena mupika wa muntu to. Kadi ndi mua kudienza mupika wa bonsu, bua kufikisha kudi Kristu bonsu bandi mua kufikisha.

2 Korente 10:7

Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

2 Korente 11:5

Kadi ndi muele meji ne: tshiena mushadile kudi bapostolu benu ba kalanda musenga banudi nuditemba nabu!

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

Ngalate 5:1

Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

1 Tesalonike 2:6

Katuvua bakebe bua nuenu, nansha bua bantu bakuabu batutumbishe.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

2 Timote 1:11

Mvidi Mukulu mmumpeshe mudimu wa bupostolu, bua kumanyisha ne kulongesha bantu Lumu lua Disanka elu.