1 Korente 8:7 - MUKANDA WA MYIDI MUKULU

⁷ Kadi bantu bonsu kabena bamanye bualu ebu to. Bamue badi bibidile ditendelela mvidie. Nanku too ne ku lelu, padibu badia minyinyi eyi, badi amu bela meji ne: tudi tunemeka mvidie ayi. Ke mudi kondu kabu ka munda kabapisha, padibu badia tshiakudia tshia nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi lungenyi elu kaluena munda mua bantu bonso; kadi bakuabo bakadi ne tshilele tshia kutendelela mpingu tô ne katataka, badi badia bintu ebi bu bintu bia kutendelelabo nʼabi mpingu; ne bualu bua muoyo-mukese wabo udi mutekete, udi ulua mubiha.

1 Korente 8:7 ပူးပေါင်းရင်းမြစ်များ

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Rome 14:14

Ndi mumanye, mushindike menemene ne: patudi bamane kudisanga ne Mfumu Yezu, kakuena tshintu tshidi tshibi tshiotshi nkayatshi. Kadi amu padi muntu wela meji ne: tshintu etshi ntshibi, nanku tshidi tshibi kudiye.

Rome 15:14

Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

1 Korente 10:25

Nudi mua kudia munudi basue munyinyi onsu udibu basumbisha mu tshisalu, kanuyi nupampakana, kanuyi nudiebeja mu kondu kenu ka munda ne: mmifume penyi.

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.