1 Korente 8:12 - MUKANDA WA MYIDI MUKULU

¹² Panudi nuenzela bana benu bibi, nushipa kondu kabu ka munda kadi katekete, nudi nuenzela Kristu mene bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku binuenzela bana benu ba mu Kilisto bibi, binuasamisha muoyo-mukese wabo hatshidiu mutekete, nudi nuenzela Kilisto bibi.

1 Korente 8:12 ပူးပေါင်းရင်းမြစ်များ

Genese 20:9

Abimeleke kubikidisha Abrahame, umukonka ne: — Tshiwatuenzedi nenku ntshinyi? Mbualu bubi kaayi bundi mukuenzele bua wewe kutubueja ne bena ditunga dianyi mu tshilumbu bunene nunku! Udi mutuenzele bualu budi muntu kayi mua kuenzela mukuabu to.

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 18:21

Ke Petro kusemena kudi Yezu, umukonka ne: — Mfumu, padi muanetu ungenzela amu bibi, ndi mua kumumvuila luse misangu bungi munyi? Yakumbana too ne ku misangu muanda mutekete anyi?

Matayi 18:6

— Yonsu udi wenzeja umue wa ku bana aba badi bangitaba bualu bubi, mbimpe bamusuike dibue dinene dia tshipelelu mu nshingu, bamuele muinshi mua mayi manene.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Marke 9:42

— Muntu udi ufikisha ku bubi umue wa ku bana bakese aba, badi bangitaba, mbipite buimpe bamusuike dibue dinene mu nshingu, bamuele mu mayi manene.

Luke 17:2

Muntu wa nanku mbimpe bamusuike dibue dinene dia kupela nadi mu nshingu, bamuele mu mayi manene, bua kafikishi nansha umue wa ku bakese aba ku dienza bibi.

Rome 14:20

Kubutudi mudimu wa Mvidi Mukulu, bualu bua biakudia. Bulelela, tudi mua kudia bintu bionsu. Kadi bidi bibi padi muntu udia tshintu kampanda bua kulenduisha muanabu.

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.