1 Korente 7:36 - MUKANDA WA MYIDI MUKULU

³⁶ Tuyayi mu bualu bua badi babangilangana. Padi nsongalume ne dijinga dikole, umona ne: meme tshiyi musele nsongakaji awu, ndi mmuenzela bibi, mbimpe baselangane mudibu basue. Kabena benza bualu bubi to.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Biela muntu meshi ne, Ndi ngenzela muanʼanyi mukashi utshidi kamama bibi; ne bikala mukashi muhite tshikondo tshiandi tshia dibaka, ne bikaleye ne bualu bua kuenza nunku, tatu enze bualu bu mudiye musue; yeye kena wenza bibi; babake biabo.

1 Korente 7:36 ပူးပေါင်းရင်းမြစ်များ

Yirmeya 29:6

Nuselangane. Nulele balume, nulele bakaji. Nuseleshe balume, nuseleshe bakaji, balelangane pabu. Kuine aku nuvulangane! Kanukepedi to!

Matayi 1:18

Bavua balela Yezu Kristu mushindu ewu. Mamuende Mariya uvua mubangila kudi Yozefe. Kadi kayi muanji kuya kudi bayende, kudimonaye muikale ne difu ku bukole bua Mueyelu wa Tshijila.

Matayi 5:40

Pikala muntu mukufunde ku tshilumbu, bua kuangata tshilamba tshiebe tshia pambidi, umulekele, angata kabidi tshinkutu tshiebe.

1 Korente 7:35

Ndi ngamba nanku bua kunuenzela bimpe, ki mbua kunuenzeja malu ku bukole. Ndi musue bua nuenze amu malu mimpe, nukuatshile Mfumu mudimu muenu muonsu.

1 Korente 7:37

Kadi padi muntu, kabayi bamuenzeje ku bukole, mujadike munda muende ne: tshiena musue kusela, mumanye kabidi mua kudikolela, mbimpe alame amu dipangadika dia kubenga kubuela ne nsongakaji ewu mu dibaka.

1 Korente 7:9

Kadi panudi kanuyi mua kudikolela, nubuele mu dibaka. Bidi bipite buimpe kubuela mu dibaka, pa mutu pa kushala ne dialakana mu muoyi.

1 Samuele 2:33

Kadi meme mushiye muntu umue wa ku ndelanganyi yebe bua asombe ku mpenga kua tshilambuilu tshianyi, neakukengeshe, akubungamije. Kadi bantu bakuabu bonsu ba mu diku diebe nebafue, kabayi banji kukulakaja.