1 Korente 7:15 - MUKANDA WA MYIDI MUKULU

¹⁵ Kadi pikala mulume nansha mukaji, udi kayi muena ditaba, musue kubengangana ne muena dibaka nende udi muena ditaba, nuanyishe bua enze amu nanku. Diba adi muena ditaba, mulume nansha mukaji, udi mua kuenza bidiye musue. Bualu Mvidi Mukulu mmunubikile bua nusombe mu bupole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi biumuka muntu udi kai muena ditabusha, umuke biandi; bualu bua muanʼenu mulume anyi muanʼenu mukashi wa ma Kilisto kena ushala mu buhika mu malu a nunku; Nzambi wakanubikila bua nuenu nuikale mu ditalala.

1 Korente 7:15 ပူးပေါင်းရင်းမြစ်များ

Matayi 12:50

Bualu yonsu udi wenza tshidi Tatu wanyi udi mu diulu musue, ke muanetu wa balume, ne wa bakaji, ne mamu kabidi.

Luke 9:39

Mukishi udi umukuata, umuelesha mbila tshimpitshimpi, umunyukula bikole, umupatuisha ntutu ku mishiku. Nanku udi umukengesha, kauyi musue kumushila muaba lukasa.

Rome 12:18

Nuenze muenu muonsu bua nusombe ne bantu bonsu mu ditalala, bilondeshile munudi numona ne: tudi mua kuenza nanku.

Rome 14:19

Nanku tukebayi bidi mua kufila ditalala, bidi mua kutushindamija pamue mu ditaba.

1 Korente 14:33

Bualu Mvidi Mukulu kena mutubikile bua kusomba mu tshimvundu, kadi amu mu bupole. Bu mudibi bienzeka mu Bisumbu bionsu bia bena ditaba,

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Dielulula 24:2

Kadi pikala mulume mukuabu musele mukaji awu,

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Yakobe 2:15

Tutele tshilejilu tshia muanenu wa balume, nansha wa bakaji. Padiye ukengela bivualu, nansha kayi ne biakudia bikumbane,