1 Korente 7:13 - MUKANDA WA MYIDI MUKULU

¹³ Momumue, pikala mukaji muena ditaba ne bayende udi kayi muena ditaba, mulume awu muanyishe bua kushala nende mu dibaka, mukaji kena ne bua kumubenga nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ne mukashi udi ne mulume udi kai muena ditabusha, ne mulume eu udi usanka bua kuikala nʼandi, mukashi kalekedi mulume wandi nasha.

1 Korente 7:13 ပူးပေါင်းရင်းမြစ်များ

Marke 10:12

Bidi momumue kabidi, pikala mukaji umuka kudi bayende, uya ku dibaka kudi mulume mukuabu, udi wenza buenzayi.

1 Korente 7:12

Bindi ngamba mpindiewu kabiena bifuma kudi Mfumu to. Meme nkayanyi ndi mbiamba ne: pikala mulume muena ditaba ne mukaji udi kayi muena ditaba, mukajende awu muanyishe bua kushala nende mu dibaka, kena ne bua kumuipata nansha.

1 Korente 7:14

Bualu mulume udi kayi muena ditaba, Mvidi Mukulu udi umuanyisha, bua padiye udisanga ne mukajende muena ditaba. Kabidi mukaji udi kayi muena ditaba, Mvidi Mukulu udi umuanyisha, bua padiye udisanga ne bayende muena ditaba. Bu biobi kabiyi nanku, bana badibu balela bavua mua kuikala ne mikiya, baledi kabayi mua kumonangana nabu. Kadi bana babu badi bantu ba tshijila, badi Mvidi Mukulu wanyisha.