1 Korente 6:7 - MUKANDA WA MYIDI MUKULU

⁷ Kadi nukadi nuenza bibi bitambe, panudi nufundangana. Pa mutu pa kuenza nanku, nuanyishe bua banukengeshe kapayi bualu; nuanyishe kabidi bua bibe bintu bienu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bulelela, bualu ebu buakumana kulua dihanga dinene munkatshi muenu ne, Nudi nuikalangana ne bilumbu. Bualu budi butamba buimpe bua nuenu nuitabushe banuenzele bibi, nasha? Budi butamba buimpe bua nuenu nuitabushe banunyenge bintu, nasha?

1 Korente 6:7 ပူးပေါင်းရင်းမြစ်များ

Nsumuinu 2:5

Enza nanku, bua ulonge muudi mua kunemeka Maweja-Nangila, kumanya bumfumu budi Mvidi Mukulu nabu.

Nsumuinu 20:22

Kupingaji bibi pa bibi bidibu bakuenzela. Utekemene kudi Maweja-Nangila, yeye nkayende neakuambuluishe.

Osheya 10:2

Bena Izrayele mbanyanguke too ne mu muoyi wa munda. Mpindiewu nebakenge bua buenzayi buabu. Maweja-Nangila neanyangakaje bilambuilu biabu, neashimbule mabue a tshijila.

Luke 19:8

Kadi Zakayi kujuka, kuambila Mfumu ne: — Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.

Luke 6:29

Pikala muntu mukukume dipi ku ditama, umuleje ditama dikuabu. Pikala muntu ukunyenga tshinkutu tshiebe, umupeshe kabidi ne tshilamba tshia pambidi.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.