1 Korente 6:16 - MUKANDA WA MYIDI MUKULU

¹⁶ Kanuena bamanye ne: muntu udi usomba ne mukaji muena tshiendenda, udi wenza nende mubidi umue anyi? Bualu Mukanda wa tshijila udi wamba ne: “Bubidi buabu nebenze mubidi umue.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Anyi kanuena bamanye ne, Walamata kudi mukashi wa masandi udi nʼandi mubidi umue, anyi? Bua Nzambi udi wamba ne, Bubidi buabo nebalue mubidi umue.

1 Korente 6:16 ပူးပေါင်းရင်းမြစ်များ

Genese 2:24

Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Genese 34:31

Bana babidi aba kuandamuna tatuabu ne: — Mulumiana ewu kavua mua kuangata muanetu wa bakaji ku bukole, bu mukaji mudisombele to.

Genese 38:15

Yuda umona Tamare, kuela meji ne: mmukaji mudisombele, bualu uvua musuike tshitambala mu mpala.

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

Marke 10:8

Bubidi buabu bikale muntu mue. Nanku kabatshiena babidi kabidi nansha, badi tshintu tshimue.

1 Korente 6:3

Kanuena bamanye ne: netukose nsambu ya batumibue ba Mvidi Mukulu anyi? Kadi mutudi katuyi mua kukosa nsambu ya bena panu mmunyi?

Efeze 5:31

Mukanda wa tshijila udi wamba ne: “Ke mudi mulume ne bua kushiya tatuende ne mamuende, bua kulamata mukajende. Bubidi buabu nebenze tshintu tshimue.”

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Balombodi 16:1

Dituku dikuabu, Shimeshone kuya ku Ngaza. Kusanganayemu mukaji mudisombele. Kumubuelelaye mu nzubu.