1 Korente 6:14 - MUKANDA WA MYIDI MUKULU

¹⁴ Bu muvua Mvidi Mukulu mubishe Mfumu ku lufu, ku bukole buende neambishe ne tuetu kabidi ku muoyi mupiamupia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nzambi wakabisha Mukelenge ku lufu, neatubishe tuetu kabidi ku bukole buandi.

1 Korente 6:14 ပူးပေါင်းရင်းမြစ်များ

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Bienzedi 2:32

Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

1 Korente 15:23

Kadi muntu yonsu udi ubika mu wende mulongu. Kristu ke ntungamulongu wa bantu bonsu badi babika. Padiye upingana panu, badi bende nebabike kabidi.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

1 Tesalonike 4:14

Tudi bitabe ne: Yezu wakafua, wakabiika kabidi. Ke mutudi tuitaba kabidi ne: bantu bafue batekemene kudi Yezu, Mvidi Mukulu neababishe pamue nende.