1 Korente 5:11 - MUKANDA WA MYIDI MUKULU

¹¹ Mvua musue kunuambila ne: kanubuelakanyi ne muntu udi udiamba ne: ndi ndonda Kristu, kadi muikale muenji wa malu a bundu, muena lukuka lua biuma, mutendeledi wa mvidie, munyangi walumu lua bende, mukuatshiki wa maluvu, nansha muivi. Nansha bua kudia ne muntu wa nanku, kanudi nende to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi mpindiu ndi nufundila ne, Kanubuelakanyi ne muntu udi ne dina dia muanʼenu wa ma Kilisto bikaleye muena masandi, anyi muena lukuka lua bintu, anyi muena mpingu, anyi muhendanganyi, anyi mukuatshiki wa maluvu, anyi munyengi wa bintu; kanudî mene ne muntu wa nunku.

1 Korente 5:11 ပူးပေါင်းရင်းမြစ်များ

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Misambu 101:5

Nempuwishe bantu badi bajana bakuabu mu musokoku. Tshiena mua kubuikidila bantu badi bapetula bakuabu, ne badi baditambisha.

Yezekiyele 22:12

Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Matayi 18:17

Kadi padiye kayi musue kuteleja bantu abu, muanyishe Tshisumbu tshia bena ditaba tshilumbu atshi. Padiye kayi musue kuteleja Tshisumbu tshia bena ditaba, umutangile bu muntu udi kayi witaba Mvidi Mukulu, nansha bu mulambuishi wa bitadi.

Matayi 23:25

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nusukula panyima pa dikopu ne pa dilonga. Kadi munda muabi mudi amu biakudia binuvua bibe, nansha bapete ku lukuka.

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

1 Korente 10:14

Nanku, balunda banyi bananga, lekelayi kutendelela mvidie.

1 Korente 11:21

Bualu diakamue panudi nusomba ku mesa, muntu yonsu udi udia lukasalukasa bidiye mufike nabi, mushindu udi bamue bashala ne nzala, banga bakuatshika maluvu.

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

1 Korente 6:10

bivi, bena lukuka lua biuma, bakuatshiki ba maluvu, banyangi ba lumu lua bende, ne bantu badi banyenga bantu bintu ku bukole, kabakupeta muaba mu Bukalenga bua Mvidi Mukulu.

1 Korente 6:6

Bulelela, muena ditaba udi mua kufunda muena ditaba nende ku tshilumbu anyi? Badi kabayi bitaba Mvidi Mukulu, ke badi ne bua kukosa nsambu yenu anyi?

1 Korente 6:9

Nudi bamanye bimpe ne: bantu badi benza malu mabi, kabena mua kupeta muaba mu Bukalenga bua Mvidi Mukulu. Kanudishimi! Badi benza malu a bundu, batendeledi ba mvidie, banyangi ba mbanza ya bende, badi banaya ne bana manaya a bundu,

1 Korente 7:12

Bindi ngamba mpindiewu kabiena bifuma kudi Mfumu to. Meme nkayanyi ndi mbiamba ne: pikala mulume muena ditaba ne mukaji udi kayi muena ditaba, mukajende awu muanyishe bua kushala nende mu dibaka, kena ne bua kumuipata nansha.

1 Korente 7:15

Kadi pikala mulume nansha mukaji, udi kayi muena ditaba, musue kubengangana ne muena dibaka nende udi muena ditaba, nuanyishe bua enze amu nanku. Diba adi muena ditaba, mulume nansha mukaji, udi mua kuenza bidiye musue. Bualu Mvidi Mukulu mmunubikile bua nusombe mu bupole.

1 Korente 8:11

Nenku muntu udi kayi ne ditaba dikole awu, neajimine, bualu wewe udi wamba ne: ndi mumanye malu! Yeye mene ke muanenu udi Kristu mufuile!

Ngalate 2:12

Bantu bavua Yakobe mutume kabayi banji kufika, Petro uvua udia pamue ne bena ditaba ba bisamba bikuabu. Kadi bantu abu bamane kufika, yeye kusesuka, kayi musue kudia kabidi ne bantu ba bisamba bikuabu. Uvua utshina bena Yuda badi balongesha mudibu ne bua kuteka bantu panshi.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Efeze 5:5

Numanye bimpe ne: bena buendenda, bena buenzavi, nansha bena bukonkotu, kabena mua kubuela mu Bukalenga bua Kristu, ne bua Mvidi Mukulu. (Nansha muena bukonkotu udi amu muntu udi utendelela mvidie).

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

2 Tesalonike 3:14

Padi muntu kayi muitabe mikenji itudi bafunde mu mukanda ewu, numumanye. Kanuendakanyi nende, bua bundu bumukuate.

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

1 Timote 3:3

Kikadi munuavi, nansha musue mvita. Kadi ikale muena bupole, muntu wa disanka, kayi mutshima wa biuma.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

2 Yone 1:10

Padi muntu ufika kunudi ne dilongesha dikuabu, kanumubueji mu nzubu, kanumuedi nansha muoyi.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!