1 Korente 4:9 - MUKANDA WA MYIDI MUKULU

⁹ Bualu ndi mumone ne: Mvidi Mukulu mmututeke tuetu bapostolu muaba wa ku ndekelu. Tudi bu bena tshibawu, bua batushipe, bonsu batangile. Mbatuele mu tshialu bu bena manaya, bua bonsu bautangile, batumibue ba Mvidi Mukulu ne bantu kabidi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua udi ngela meshi ne, Nzambi wakatuteka tuetu bapostolo kunshikidilu kua bantu bonso bu bantu bakahishabo bua kufua; bua tuetu tuakavuishibua tshimuenenu kudi ba ha buloba, ne kudi banjelo ne kudi bantu.

1 Korente 4:9 ပူးပေါင်းရင်းမြစ်များ

Misambu 44:22

kuvua mua kupanga kumanya bualu ebu to. Bualu Wewe udi ujingulula malu masokome onsu a munda mua muntu.

Misambu 71:7

Bantu ba bungi bavua bela meji ne: Wewe uvua muntshipe. Kadi Wewe ke tshianyi tshipanda tshia kushindamena.

Yirmeya 20:18

Bavua bandele bua tshinyi? Amu bua kumvua ntatu ne makenga anyi? Amu bua banseke kashidi anyi?

Bienzedi 19:29

Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya, muvua bantu bonsu bafuilakana bua kubuela.

Bienzedi 19:31

Bamue balombodi ba mbulamatadi ba mu Aziya, bavua balunda bende, kumutuminabu bantu, bamuambila bua kayi muaba wa manaya awu.

Rome 8:36

Bu mudi Mukanda wa tshijila wamba ne: “Bu mutudi bebe, tudi mu njiwu ya lufu dituku dijima. Badi batutangila bu mikoku idibu mua kuya nayi bua bayishipe.”

1 Korente 15:19

Patudi tutekemena Kristu amu bua matuku atudi tusomba panu, diakabi dietu ndipite dia bantu bakuabu bonsu.

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

2 Korente 6:9

Bamue badi batutangila bu benyi, bakuabu bu bantu badi bonsu bamanye. Tudi tupunga ne lufu, kadi nudi numona mutudi ne muoyi. Badi batunyoka, kadi kabena batushipa.

1 Tesalonike 3:3

Nanku muntu nansha umue wa kunudi katenkakanyi mu ditaba, padibu batukengeshe. Nudi bamanye ne: makenga a nanku adi amue a ku malu adi Mvidi Mukulu mutulongoluele.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Ebrewu 10:33

Pamue apa, bavua banupenda, banukengesha ku mesu a bantu. Misangu mikuabu nuvua nuambuluisha, nukolesha ku muoyi bavuabu bakengesha nanku.

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.