1 Korente 4:6 - MUKANDA WA MYIDI MUKULU

⁶ Bana hetu, mu bionsu ebi mvua mutele Apolose, muditele kabidi, amu bu bilejilu bua kunulongesha. Mvua musue bua nujingulule tshidi lusumuinu elu luamba ne: “Nuitabe amu bidibu bafunde.” Muntu nansha umue wa kunudi kena mua kutumbisha mulongeshi umue, kudiwula mukuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bana betu, nakanukudimuina malu anyi ne a Apolo ne tshifuanyikishi bua bualu buenu; bua nuenu nuayila kutudi diyisha edi ne, Kanuhitshi ku mpala kua malu akafundabo, bua umue wenu kikadi ne diambu bua kutumbisha mukuabo ku mpala kua mukuabo.

1 Korente 4:6 ပူးပေါင်းရင်းမြစ်များ

Misambu 146:3

Kanutekemenyi baneme: bualu amu mbantu. Kabena mua kunupandisha.

Misambu 8:4

Pandi mmona diulu diudi muenze, ngondu ne mitotu biudi muteke amu pa miaba yabi,

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

Bienzedi 18:24

Muena Yuda mukuabu, mulelela mu Aleksandriya, dina diende Apolose, kufikaye mu Efeze. Uvua ngamba malu, mumanye Mikanda ya tshijila bilenga.

Bienzedi 19:1

Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba.

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

1 Korente 1:12

Nudi bamanye tshindi musue kuamba. Yonsu wa kunudi udi wamba muende munga, yonsu wende mushindu. Ewu ne: “Ndi ndonda Polu”; mukuabu ne: “Ndi ndonda Apolose”; mukuabu ne: “Meme amu Petro”; wawakabidi ne: “Meme amu Kristu.”

1 Korente 1:19

Ke padi Mukanda wa tshijila wamba ne: “Nembutule meji a bena meji, nembenge dimanya dia bena lungenyi.”

1 Korente 1:31

Ke padi Mukanda wa tshijila wamba ne: “Udi ujinga kuditemba, aditembe bua bidi Mvidi Mukulu muenze.”

1 Korente 13:4

Udi unanga udi ne lutuulu, udi ne muoyi wa kalolu, kena ne lubabu, kena uditemba, kena uditambisha.

1 Korente 3:19

Bualu meji a panu adi bupale kumpala kua Mvidi Mukulu. Ke mudi Mukanda wa tshijila wamba ne: “Mvidi Mukulu udi ukuata bena meji mu buteyi bua budimu buabu.”

1 Korente 3:21

Nanku muntu kena ne bua kuditemba bua balongeshi bende. Bualu bionsu mbienu:

1 Korente 5:2

Kadi munudi nuditemba kabidi mmunyi? Nuvua ne bua kubungama, kumusha muntu awu munkatshi muenu.

1 Korente 5:6

Tshinudi mua kuditambishila ntshinyi? Nudi bamanye lusumuinu lua ne: “Buanga bukese bua mampa budi butuntumuna tshitapitapi tshionsu.”

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

1 Korente 9:23

Ndi ngenza bionsu ebi bua Lumu lua Disanka, bua mmone mua kupeta bidi Lumu alu lutulaya.

2 Korente 10:12

Bushuwa katuena ne dikima dia kuditeka mu mulongu umue, nansha dia kudifuanyikija, ne bamue badi badipa lumu nkayabu. Badi bantu batatakane, badi badienzela tshipimu tshia kudipima natshi, badilumbuluisha bobu nkayabu.

2 Korente 10:15

Nanku katuena tusambuka mikalu. Katuena tuditemba bua midimu ivua bakuabu bakuate. Kadi tudi batekemene ne: ditaba dienu nedikole, bua tumone mua kukuata mudimu mupite bunene munkatshi muenu, katuyi tupita mikalu ivua Mvidi Mukulu mutufundile.

2 Korente 10:7

Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

2 Korente 12:6

Meme musue kuditemba, tshiakudileja bu muntu mutatakane to. Bualu nengambe amu malu malelela. Kadi tshiena musue kuditemba. Ndi musue muntu angangate ne mushinga bua bidiye mumone ngenza, nansha bua bidiye mumvue ngakula, kayi upitshisha.

2 Korente 4:15

Tudi tuenza bionsu abi bualu buenu, bua bantu, badi bitaba bua Mvidi Mukulu abanange, bavulangane, bamuele tuasakidila, bamutumbishe.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.