1 Korente 4:5 - MUKANDA WA MYIDI MUKULU

⁵ Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

1 Korente 4:5 ပူးပေါင်းရင်းမြစ်များ

Yobe 12:22

Udi utuma butoke muaba udi miidima, uleja patoke bivua bisokome mu miidima.

Nsumuinu 12:8

Badi batumbisha muntu wa meji. Kadi badi badiwula muntu mububakane.

Muambi 11:9

Wewe nsonga, Sankaku mu bunsonga buebe. Ikala ne disanka pautshidi ne bukole. Bionsu biudi ujinga, bionsu bidi bikulengelela ubikumbaje. Kadi umanye ne: Mvidi Mukulu neakulumbuluishe pa bionsu biudi wenza.

Muambi 12:14

Bualu Mvidi Mukulu nealumbuluishe muntu yonsu pa malu ende onsu, nansha mempe nansha mabi, nansha masokome mene.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Yirmeya 23:25

Meme Maweja-Nangila mvua mumvue bivua bambi bamba. Badi bamba ne: tudi tuakula mu dina dia Maweja-Nangila. Kadi mbia dishima. Badi bamanyisha bantu ne: “Mvua mulote! Mvua mumone malu!”

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Matayi 10:26

— Nenku kanutshinyi bantu to. Bualu busokome buonsu nebumanyike. Bualu budi bantu kabayi bamanye, nebabumanye.

Matayi 24:30

Tshimanyinu tshia Muana wa muntu netshimueneke mulu. Bisamba bionsu bia pa buloba nebidile miadi. Nebimone Muana wa muntu utuluka mu mavuba, ne bukole bua bungi, kabidi ne butumbi buonsu.

Matayi 24:46

Muena mudimu assu udi ne diakalenga, pikala mfumuende upingana ku nzubu kuende, umusangana wenza mudimu assu.

Matayi 25:21

Mfumuende kumuandamuna ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Matayi 25:23

Mfumuende kumuamba ne: “Bimpe, muena mudimu wanyi muimpe, muitabi wa ku diyi dianyi. Uvua mukumbaje bimpe mudimu webe ne bintu bikese bindi mukushile. Nanku nenkushile bidi ne mushinga wa bungi. Buelaku mu tshibilu tshianyi, tusanke nebe.”

Luke 6:37

“Kanutangidi bantu bakuabu bu bantu babi, bua Mvidi Mukulu kanutangidi nuenu kabidi nanku. Kanudiwulu bakuabu, bua Mvidi Mukulu kanudiwulu nuenu kabidi. Nu-mvuilangane luse, nanku Mvidi Mukulu neanumvuile kabidi luse.

Yowanane 21:22

Yezu kumuandamuna ne: — Meme musue bua ashale ne muoyi too ne pangapingana tshiakabidi, mbualu buebe anyi? Wewe, undonde!

Yowanane 21:23

Lumu kutangalaka kudi bavua balonda Yezu ne: mulongi awu kakufua to. Kadi Yezu kavua muambile Petro ne: “Mulongi awu kena ufua to,” kadi uvua muambe ne: “Meme musue bua ashale ne muoyi too ne pangapingana tshiakabidi, mbualu buebe anyi?”

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Rome 14:4

Wewe kabidi udi nganyi bua wewe kulumbuluisha muena mudimu wa bende? Bualu, nansha yeye ukuatshila mfumuende mudimu ne dinanukila, nansha yeye mupangile mu njila, tshilumbu atshi tshidi amu tshia mfumuende wa mudimu. Kadi neakuate mudimu ne dinanukila, bualu Mfumu udi ne bukole bua kumuimanyika.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Rome 2:16

Lumu lua Disanka lundi ndongesha ludi luamba ne: dituku diakosa Mvidi Mukulu nsambu kudi Yezu Kristu, bionsu bidi bisokome mu mioyi ya bantu abi nebimueneke patoke.

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

1 Korente 1:7

Ke munudi kanuyi bapange dipa dia Mvidi Mukulu nansha dimue, nuenu badi bindile tshikondu tshidi Mfumu wetu Yezu Kristu ne bua kumueneka mu butumbi buende.

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Korente 11:26

Nenku misangu yonsu inudi nudia diampa edi, nunuina mu dikopu edi, nudi numanyisha bantu lufu lua Mfumu too ne pafikaye.

1 Korente 15:23

Kadi muntu yonsu udi ubika mu wende mulongu. Kristu ke ntungamulongu wa bantu bonsu badi babika. Padiye upingana panu, badi bende nebabike kabidi.

1 Korente 3:13

Kadi mushinga wa mudimu wa muntu yonsu neumueneke dituku dia Tshilumbuluilu, bualu dituku adi kapia nekateme. Kapia aka nekatete mudimu wa muntu yonsu, bua kuleja mushinga wawu.

1 Korente 3:14

Pikala muntu mubandishe pa tshitaku bimana bidi kapia kakayi mua kuosha, neapete difutu.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

2 Korente 10:18

Bualu muntu udi udianyisha, kena ne mushinga nansha, kadi amu udi Mfumu muanyishe.

2 Korente 10:9

Tshiena musue kumueneka bu muntu udi ukeba kunukuatshisha bowa ne mikanda yanyi.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

1 Tesalonike 5:2

Bualu nudi bamanye ne: dituku dia Mfumu nedifike, mudi muivi ufika butuku.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yakobe 5:9

Bana hetu, lekelayi kubipishangana, bua Mvidi Mukulu kayi unupisha. Mukoshi wa nsambu ukadi pabuipi, ukadi pa kumueneka!

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

2 Petro 3:12

Nuindile dituku dia Mvidi Mukulu. Nuenze muenu muonsu bua difike lukasa. Bushuwa dituku adi kapia nekoshe diulu. Bia mulu nebienguluke ku ndimi ya kapia.

2 Petro 3:4

“Kavua munulaye bua kupingana anyi? Kadi udi penyi? Batatu hetu mbamane kufua. Kadi bionsu bidi amu bitungunuka, muvuabi bituadije katshia bafuka buloba!”

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 20:12

Pashishe meme kumona bafue bonsu, baneme ne bashadile, bimane kulu kumpala kua nkuasa wa butumbi. Kubululabu mikanda. Kubululabu kabidi mukanda mukuabu, mukanda wa muoyi. Kulumbuluishabu bafue, bilondeshile malu avuabu benze, avuabu bafunde mu mikanda ayi.