1 Korente 4:11 - MUKANDA WA MYIDI MUKULU

¹¹ Too ne ku lelu ewu, tudi tukenga, tufua nzala ne nyota, katuyi ne bilamba bikumbane. Badi batutuuta, tutua eku tutua kuaka.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tô ne ku diba edi tudi ne nsala, tudi ne nyota, tudi ne butaka, tudi tukumibua, katuena ne muaba wa kushindama;

1 Korente 4:11 ပူးပေါင်းရင်းမြစ်များ

Yobe 22:6

Bualu uvua mulombe bintu bia tshieya kudi muanenu amu patupu. Wewe kumunyenga tshilamba tshimuepele tshivuaye natshi.

Matayi 8:20

Yezu kumuandamuna ne: — Nyama ya mibuabua idi ne miaba ya kulala, nyunyi ya kulu ne masua ayi, kadi Muana wa muntu kena ne muaba udiye mua kuikisha, kulala.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

Bienzedi 16:23

Bamane kubatuuta bikole, kubelabu mu nzubu wa lukanu. Kuambilabu mulami wa nzubu awu ne: ubalame bimpe.

Bienzedi 23:2

Kadi mutuangaji munene Ananiyase kutumina bantu bavua pabuipi ne Polu diyi, bua bamutuute mapi mu mbanga.

Rome 8:35

Udi mua kutupandulula kudi Kristu udi utunanga nnganyi? Makenga, dipampakana, tshinyangu tshia kudi bantu, nzala, bulanda, njiwu, lufu, bidi mua kutupandulula kudiye anyi?

1 Korente 9:4

Pandi nkuata mudimu, kabena ne bua kundisha, kabidi kunnuisha anyi?

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

2 Korente 4:8

Badi batukengesha mishindu yonsu, kadi kabena batuboza. Tudi tupampakana, kadi katuena tuteketa mu maboku.

Filipe 4:12

Nkadi muibidilangane ne bupele, nansha ne biuma. Ndi mulonge mua kumvua bimpe miaba yonsu, kabidi ne bionsu bidi bingenzekela. Nansha meme ne biakudia bikumbane, nansha ngu-mvua nzala, nansha meme ne bintu bivule, nansha tshiyi nabi bikumbane, ndi ngumvua amu bimpe.

2 Timote 3:11

Tuvua nebe diba dimvua nsama, diba divuabu bankengesha. Udi mumanye bionsu bivua bingenzekele mu Antiyokiya, mu Ikoniyume, ne mu Listra. Bavua bankengeshe bikole, kadi Mfumu uvua munsungidile ku bionsu.