1 Korente 3:18 - MUKANDA WA MYIDI MUKULU

¹⁸ Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Muntu kadidingi. Biela muntu meshi ne, Meme ndi muena meshi munkatshi muenu wa mu tshikondo etshi, alue biandi muhote bua kuikaleye muena meshi.

1 Korente 3:18 ပူးပေါင်းရင်းမြစ်များ

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Nsumuinu 5:7

Nanku, muananyi, unteleje, ulonde mibelu yanyi.

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Yirmeya 37:9

Meme Maweja-Nangila ndi nnuambila ne: Kanuedi meji ne: bena Babilone mbumuke menemene to. Kabakumuka nansha!

Yirmeya 8:8

Nudi nudiamba ne: “Tudi bena meji, bualu tuetu ke badi ne mikenji ya Maweja-Nangila.” Kadi nudi nudisua nanku bua tshinyi? Kanuena bamanye ne: bantu badi batentula mikenji mbena dishima, badi bandamuna miaku idi momu anyi?

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Matayi 18:4

Udi mupite bakuabu mu Bukalenga bua mu diulu ngudi udipuekesha, udienza bu muana ewu.

Marke 10:15

Ndi nnujadikila ne: udi kayi wanyisha Bukalenga bua Mvidi Mukulu bu mudi muana, kena mua kubuelamu nansha.

Luke 18:17

Ndi nnujadikila bulelela ne: udi kayi wanyisha bukalenga bua Mvidi Mukulu bu muana, kakubuelamu to.

Luke 21:8

Yezu kuandamuna ne: — Nuadimukayi! Muntu kanushimi! Bualu bantu ba bungi nebafike, bangata dina dianyi, badiamba ne: “Ndi Kristu,” bamba kabidi ne: “Diba dikadi dikumbane!” Kanubalondi to.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

1 Korente 15:33

Kanudishimi: “Panudi nuenda ne balunda babi, nenunyanguke.”

1 Korente 3:17

Nanku padi muntu upula nzubu wa Mvidi Mukulu, Mvidi Mukulu neamupule ne yeye kabidi. Bualu nzubu wa Mvidi Mukulu udi wa tshijila. Nzubu wende awu ke nuenu mene.

1 Korente 4:10

Tudi bantu bapale bualu bua Kristu, kadi nuenu nudi ne meji badisange ne Kristu. Tuetu katuena ne bukole, kadi nuenu nudi nabu. Badi batupenda, kadi nuenu badi banunemeka!

1 Korente 6:9

Nudi bamanye bimpe ne: bantu badi benza malu mabi, kabena mua kupeta muaba mu Bukalenga bua Mvidi Mukulu. Kanudishimi! Badi benza malu a bundu, batendeledi ba mvidie, banyangi ba mbanza ya bende, badi banaya ne bana manaya a bundu,

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Ngalate 6:7

Kanudidingi. Kabena baseka Mvidi Mukulu. Muntu neanowe bivuaye mukune.

Efeze 5:6

Muntu kanudingi ne miaku ya bupote. Mvidi Mukulu neanyoke bantu badi benza malu mabi a nenku, babenga kumutumikila.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

Yakobe 1:26

Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

1 Yone 1:8

Tuetu bambe ne: katuena ne bubi, tudi tudishima. Bulelela kabuena munda muetu.