1 Korente 3:17 - MUKANDA WA MYIDI MUKULU

¹⁷ Nanku padi muntu upula nzubu wa Mvidi Mukulu, Mvidi Mukulu neamupule ne yeye kabidi. Bualu nzubu wa Mvidi Mukulu udi wa tshijila. Nzubu wende awu ke nuenu mene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Biashiha muntu ntempelo wa Nzambi, Nzambi neamushihe yeye; bualu bua ntempelo wa Nzambi udi wa tshijila, nuenu nudi muomumue kabidi.

1 Korente 3:17 ပူးပေါင်းရင်းမြစ်များ

Genese 28:17

Bowa kumuenza. Kuambaye kabidi ne: — Mbimpe kunemeka muaba ewu, bualu ke mudi nzubu wa Mvidi Mukulu, ne tshibuelelu tshia mu diulu.

1 Kulondolola 29:3

Kadi bua biuma bimvua meme nabi, mpawungi ne tshiamu tshitoke tshia mushinga mukole, ndi mbifila bua nzubu wa Mvidi Mukulu wanyi. Ndi mbisakidila ku bionsu bimvua mumane kulongolola bua muaba wa tshijila ewu, undi mupite kunanga.

Misambu 74:3

Ubande mu makolu: baluishi mbanyange nzubu webe mujima wa tshijila.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

Ekesode 3:5

Mvidi Mukulu kumuambila ne: — Kusemenyi pabuipi to. Kopola bisabata biebe, bualu udi muimane muaba wa tshijila.

Yeshaya 64:11

Maweja-Nangila udi mua kushala upuwa amu nanku, paudi umona dikolu edi, anyi? Udi mua kushala mupuwilamu, utushiya mu dikenga didi ditupita anyi?

Yezekiyele 43:12

Ke mukenji munene udi utangila nzubu wa Mvidi Mukulu: miaba yonsu idi inyungulula nzubu pa katongabela ka mukuna, ke miaba ya tshijila menemene.

Yezekiyele 5:11

“Meme Maweja-Nangila Mvidi Mukulu udi ne muoyi, ndi nnumanyisha ne: nudi banyange nzubu wanyi ne ditendelela dienu dibi, kabidi ne mpingu yenu indi mubenge. Nanku meme nennubutule, tshiyi nnufuila luse. Tshiena mua kunushiya ne muoyi to.

Yezekiyele 7:22

Nansha bantu banyanga biuma bidi mu nzubu wanyi, nansha bivi babuela mu nzubu, bamunyanga, tshiakuenza bualu nansha bumue.

Lewitiki 15:31

“Nuambile bena Izrayele bonsu badi bapia mikiya ne: ‘Kanusemenyi pabuipi ne muaba wa tshijila.’ Bualu padibu bapia mikiya, badi mua kunyanga ntenta undi musombe munkatshi muabu, kupeta njiwu ya lulu.”

Lewitiki 20:3

Kabidi meme Maweja-Nangila nennyoke muntu awu. Nemmuipate munkatshi mua bena Izrayele, bualu mmulambule mvidie wa Moleke muanende. Mulambu wa mushindu awu, udi upisha muaba wanyi wa tshijila mikiya, upepeja dina dianyi dia tshijila.

Sefanya 3:4

Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.

Dibadika 19:20

“Kadi pikala muntu udi ne mikiya kayi musue kuyumusha, nebamuipate munkatshi mua bena Izrayele, bualu udi unyanga muaba wa tshijila wa Maweja-Nangila. Bu mudibu kabayi bamumiamina mayi a tshijila a kumukobolola nawu, udi ushala ne mikiya.

1 Korente 3:16

Nudi bamanye bulelela ne: nudi nzubu wa Mvidi Mukulu; kabidi ne: Mueyelu wa Mvidi Mukulu udi usomba munda muenu.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.