1 Korente 3:14 - MUKANDA WA MYIDI MUKULU

¹⁴ Pikala muntu mubandishe pa tshitaku bimana bidi kapia kakayi mua kuosha, neapete difutu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Biashala mudimu wa muetu wakaseye ha mutu hatshi, yeye neangate difutu.

1 Korente 3:14 ပူးပေါင်းရင်းမြစ်များ

Danyele 12:3

Bantu ba lungenyi nebakenke bu bintu bia mu diulu. Bantu bavua bambuluisha bakuabu bua batendelele Mvidi Mukulu ne muoyi umue, nebakenke bu mitotu tshiendelele.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Korente 9:17

Bu meme mudisunguile mudimu ewu, mvua mua kutekemena bua bamfute. Kadi pandi tshiyi ngenza mudimu awu ku disua dianyi, ndi nkumbaja amu bidibu bamfundile.

Ngalate 6:4

Muntu yonsu akonkonone nsombelu wende. Pikala nsombelu wende muimpe, asanke bua bivuaye muenze, kayi udifuanyikija ne bakuabu.

1 Tesalonike 2:19

Bualu amu nuenu, nudi ditekemena ne disanka dietu, ki mbantu bakuabu to! Nuenu ke badi baleja bantu mutudi batshimune. Amu bualu buenu, ke mutuaditambishila pafika Mfumu wetu Yezu Kristu.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.