1 Korente 2:14 - MUKANDA WA MYIDI MUKULU

¹⁴ Muntu udi kayi ne Mueyelu wa Mvidi Mukulu, kena mua kuitaba malu malelela adi Mueyelu ewu utumanyisha. Neaatangile bu a bupale. Kena mua kuajingulula, bualu amu muntu udi ne Mueyelu, ke udi mua kuamanya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muntu wa ha buloba kena witabusha malu a Nyuma wa Nzambi, bualu bua malu â adi mahote kudiye; yeye kena mua kudimanyinau, bualu bua malu â adi ajinguludibua kudi Nyuma.

1 Korente 2:14 ပူးပေါင်းရင်းမြစ်များ

Nsumuinu 14:6

Musekianganyi udi ukeba kupeta meji, kadi kena wapeta to. Muntu udi wela meji, udi umanya lukasa tshidiye ne bua kuenza.

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Yowanane 10:20

Ba bungi ba munkatshi muabu bavua bamba ne: — Udi ne mukishi mubi munda! Mmupale! Nudi numuteleja bua tshinyi?

Yowanane 12:37

Nansha muvuaye muenze bishima bia bungi bobu batangila, kabavua bamuitaba to.

Yowanane 14:17

Ba pa buloba kabena mua kuwakidila, bualu kabena mua kuumona nansha kuumanya. Kadi nuenu nudi baumanye. Bualu udi ushala nenu, udi kabidi munda muenu.

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Yowanane 8:43

Tshinudi kanuyi numvuila bindi nnuambila ntshinyi? Bualu kanuena ne mushindu wa kuteleja miaku yanyi.

Bienzedi 16:14

Umue wa kudibu, dina diende Lidiya, uvua mutumine ku tshimenga tshia Tiyatira. Uvua ngendamushinga wa bilamba bikunze bia mushinga mukole. Uvua mumane kulamata tshisumbu tshia bena ditaba ba bena Yuda. Uvua muteleje ne ntema bituvua tuamba. Mfumu kunzulula muoyi wende, bua umvue bimpe bivua Polu wakula.

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

Bienzedi 18:15

Kadi bu munudi amu nuelangana mpata bua miaku, bua mena, ne bua mikenji yenu, abi bidi binutangila amu nuenu nkayenu. Tshiena musue kukosa bilumbu bia nenku to!

Bienzedi 25:19

Bavua belangana nende mpata, amu pa malu abu a kutendelela Mvidi Mukulu, ne pa tshilumbu tshia muntu kampanda, mumane kufua, diende Yezu. Bualu Polu udi ujadika ne: udi ne muoyi.

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 1:23

Kadi tuetu tudi tukobola Kristu uvuabu bapopele pa mutshi mutshiamakane. Bena Yuda badi bakamba ne: nudi nusendeka Mvidi Mukulu. Badi kabayi bena Yuda badi bakamba ne: nudi nulongesha malu a bupale.

1 Korente 1:25

Bualu bidi Mvidi Mukulu wenza, bantu badi babimona bu bia bupale, kadi bidi bipita meji a bantu. Mvidi Mukulu umueneka bu udi kayi ne bukole, kadi bukole buende mbupite bua bantu.

1 Korente 15:44

Tshidibu bajika mmubidi wa buntu, tshidi tshibika mmubidi udi upeta muoyi kudi Mueyelu. Nenku padi mubidi wa buntu muikaleku, mubidi udi upeta muoyi kudi Mueyelu udiku kabidi.

1 Korente 15:46

Kadi tshidi tshidianza kutuadija mmubidi wa buntu, pashishe Mueyelu udi ulonda.

1 Korente 2:12

Tuetu katuena bapete lungenyi lua pa buloba. Kadi tudi bapete Mueyelu udi ufuma kudi Mvidi Mukulu. Ke mutudi tumanya bionsu bidi Mvidi Mukulu mutuenzele.

1 Korente 3:1

Bana hetu, tshivua musue kuyukila nenu, mudibu bayukila ne bantu badi Mueyelu wa Mvidi Mukulu ulombola nansha. Kadi mvua ne bua kunuyukidisha mudibu bayukila ne bantu batshidi ne meji a buntu, batshidi bana mu ditaba.

Yakobe 3:15

Bualu meji a nanku kaena afuma mu diulu. Adi a panu, aleja bubi bua bantu, afuma kudi diabolu.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Yuda 1:19

Bantu abu nebapandulule bantu. Nebalonde bia panu, kabayi bitaba Mueyelu wa Mvidi Mukulu.