1 Korente 2:12 - MUKANDA WA MYIDI MUKULU

¹² Tuetu katuena bapete lungenyi lua pa buloba. Kadi tudi bapete Mueyelu udi ufuma kudi Mvidi Mukulu. Ke mutudi tumanya bionsu bidi Mvidi Mukulu mutuenzele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi tuetu tuakangata nyuma, kengua ha buloba, kadi Nyuma wa kudi Nzambi, bua tuetu tumanye masanka akatuabo tshianana kudi Nzambi.

1 Korente 2:12 ပူးပေါင်းရင်းမြစ်များ

Rome 8:1

Nanku mpindiewu kabena bapisha kabidi badi badisanga ne Yezu Kristu.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

1 Korente 1:27

Kadi bua kufuisha bena meji bundu, Mvidi Mukulu mmusungule bidi bantu batangila bu bia bupale. Bua kufuisha badi ne bukole bundu, mmusungule bidi bantu batangila bu bidi kabiyi ne bukole.

1 Korente 2:6

Numanye ne: malu atudi tulongesha adi a meji, kadi amu bua bantu bakadi bashindame mu malu a Mvidi Mukulu. Nanku meji aa ki nga panu, nansha a bamfumu badi balombola buloba, bualu badi ne bua kubutuka.

1 Korente 3:22

Polu, Apolose, nansha Petro, bukua panu bujima, muoyi ne lufu, lelu ne malaba, bionsu mbienu.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Didimanyisha 22:6

Pashishe mutumibue kungambila ne: — Miaku eyi mmilelela, nudi mua kuyitaba. Kabidi Maweja-Nangila Mvidi Mukulu, udi upa bambi Mueyelu wende, uvua mutume mutumibue wende, bua aleje bantu bende bidi ne bua kuenzeka amu mpindiewu.