1 Korente 2:10 - MUKANDA WA MYIDI MUKULU

¹⁰ KadiMvidi Mukulu mmutusokoluele tuetu bualu busokome ebu ku bukole bua Mueyelu wa Tshijila. Bualu Mueyelu udi mua kujingulula bionsu, nansha meji masokome menemene adi Mvidi Mukulu wela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi Nzambi wakatubuluila malu â mu Nyuma Muimpe; bualu bua Nyuma udi ukebakeba malu onso, tô ne ku malu male a Nzambi.

1 Korente 2:10 ပူးပေါင်းရင်းမြစ်များ

Yobe 12:22

Udi utuma butoke muaba udi miidima, uleja patoke bivua bisokome mu miidima.

Yeshaya 48:16

Semenayi pabuipi nanyi, bua nuteleje bualu ebu: mvua ngamba malu onsu patoke, bituadijile ku tshibangidilu. Kabidi katshia malu aa abanga, udi wakumbaja ke meme. (Kadi mpindiewu, Maweja-Nangila Mvidi Mukulu ke udi untuma, umpesha Mueyelu wende).

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Luke 2:26

Uvua mudianze kumumanyisha ne: kuena ufua, kuyi muanji kumona Kristu, Musungidi mutuma kudi Maweja-Nangila.

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 16:13

Padi Mueyelu wa bulelela ufika, neunulombole mu malu malelela onsu. Kawena wamba malu ne bumfumu buawu nkayawu to. Kadi neunuambile bionsu bivuawu mumvue. Neunumanyishe bidi ne bua kuenzeka.

1 Korente 14:30

Kadi padi Mvidi Mukulu wambila muntu mukuabu udi muaba awu malu, muntu utshidi wakula awu apuwe.

1 Korente 2:11

Amu lungenyi lua muntu, ke ludi lujingulula bionsu bidi munda muende. Ke mudi kabidi Mueyelu wa Mvidi Mukulu nkayawu ujingulula bidi munda mua Mvidi Mukulu.

Ngalate 1:12

Tshivua mulupete kudi muntu. Kabavua bandongeshe lumu elu nansha. Kadi anu Kristu uvua mudileje kundi, ke uvua mulummanyishe.

Efeze 3:3

Malu masokome andi munufundile mu tshikosu kulu eku, amu Mvidi Mukulu nkayende ke uvua muammanyishe.

Efeze 3:5

Bualu busokome ebu, Mvidi Mukulu kavua mubumanyishe bantu ba bikondu bia kale to. Kadi mpindiewu kudi Mueyelu wende mmubumanyishe patoke bapostolu ba tshijila, ne bambi bende.

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Didimanyisha 2:24

“Kadi nuenu, bena ditaba bakuabu ba mu Tshisumbu tshia mu Tiyatira, kanuvua bitabe dilongesha dibi edi; kanuvua balonge bidi bantu aba bamba ne: ‘mMalu masokome a diabolu’. Ndi nnujadikila ne: tshiena mua kunuomekela bujitu bukuabu to.