1 Korente 16:6 - MUKANDA WA MYIDI MUKULU

⁶ Bumue nenshale nenu matuku, nansha muvu mujima wa mashika. Nenungambuluishe, bua tufike kuonsu kundi ne bua kuya.

Mukanda wa Nzambi Dihungila Dikulukulu ne Dihungila Dihia-dihia 2003

⁶ kadi bumue nenshikame nʼenu musangu, anyi tshidimu tshia mashika tshijima mene, bua nuenu kuntuma ku luendu kunaya.

1 Korente 16:6 ပူးပေါင်းရင်းမြစ်များ

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

Bienzedi 17:15

Bantu kuya kushindikija Polu too ne ku Atene. Pashishe kupinganabu ku Bereya. Kuambilabu Silase ne Timote ne: Polu udi wamba ne: bandonde lukasa.

Bienzedi 20:38

Bavua ne dibungama, nangananga bualu uvua mubambile ne: katuakumonangana kabidi kashidi. Pashishe kumushindikijabu too ne ku majuwa.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Bienzedi 27:12

Luseke lukuabu katuvua ne mushindu wa kupitshisha bimpe tshikondu tshia mashika mu tshisabu atshi to. Ke pavua bantu ba bungi bavua mu majuwa bajinga kumuka, bua kufika mu tshisabu tshia Fenikse, bu biobi mua kuenzeka. Tshisabu atshi tshivua mu tshidila tshia Kreta, luseke ludi diba dibuelela luatshi. Tshivua muaba muimpe wa tuetu kupitshisha muvu wa mashika.

Bienzedi 28:11

Kunyima kua ngondu isatu, tuetu kubuela mu majuwa a ku Aleksandriya, avua dina ne: “Mvidie ya Mapasa.” Avua mashale mu tshidila ngondu yonsu ya muvu wa mashika.

Rome 15:24

Mvua musue kupitshila kuenu, pakumbana luendu luanyi lua kuya ku Espanye. Bualu ndi ntekemena kufika kuenu mu luendu alu bua kumonangana nenu. Ndi musue kushala nenu amue matuku, njinga kabidi bua nungambuluishe, bua mmone mua kufika ku ditunga dia Espanye.

1 Korente 16:11

Muntu kamupetudi. Numuambuluishe bua atungunuke ne luendu luende bimpe, apingane kundi. Bualu meme ne bena ditaba bakuabu tudi bamuindile.

2 Korente 1:16

Mvua muele meji a kupitshila kuenu aku, pandi nya ku Masedoniya, pashishe a kumonangana nenu mu dipingana dianyi kabidi. Diba adi nuvua mua kungambuluisha bua meme kufika ku Yudeya.

Tite 3:12

Pangikala mukutumine Artemase nansha Tishike, ufike kundi lukasa mu tshimenga tshia Nikopolise. Ke muaba undi musue kusomba mu tshikondu tshia mashika.