1 Korente 16:16 - MUKANDA WA MYIDI MUKULU

¹⁶ nutumikile bantu ba nenku, nutumikile bonsu badibu bakuate nabu mudimu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ bua nuenu nuditeke munshi mua bantu ba nunku, ne munshi mua muntu yonso udi ukuatsihahangana nʼetu ne udi wenza mudimu wa Nzambi.

1 Korente 16:16 ပူးပေါင်းရင်းမြစ်များ

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

Muambi 1:3

Bantu badi batata bikole pa buloba bua kuenza mudimu. Kadi tshidibu bapeta ntshinyi?

Rome 16:12

Elayi Trifene ne Trifose, badi bakuatshila Mfumu mudimu, muoyi; kabidi ne Persida wanyi musuibue, uvua mukuatshile pende Mfumu mudimu bikole.

Rome 16:3

Elayi Priskila ne Akuila muoyi. Ke bantu batudi tukuatshila nabu Kristu mudimu.

Rome 16:6

Elayi Mariya, uvua munukuatshile mudimu bikole, muoyi.

Rome 16:9

Elayi Urbene, utudi tukuatshila nende Kristu mudimu, muoyi. Kabidi ne Stakise wanyi musuibue.

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

Efeze 5:21

Bu munudi nunemeka Mfumu, nutumikilangane.

Filipe 4:3

Wewe kabidi, Sizikuse, muena mudimu nanyi wa diyi dimue, ndi nkulomba ne: ubambuluishe. Bualu bobu bavua bangambuluisha bikole bua kutangalaja Lumu lua Disanka, pamue ne Kleman, kabidi ne bena mudimu nanyi bakuabu bonsu. Mena abu adi mu mukanda wa muoyi.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

1 Tesalonike 2:9

Bana hetu, nudi bavuluke mutuvua bakuate mudimu, bapungile bikole. Patuvua banumanyishe Lumu lua Disanka lua kudi Mvidi Mukulu, tuvua bakuate mudimu munya ne butuku, bua muntu nansha umue wa kunudi kambudi bujitu buetu.

1 Tesalonike 5:12

Bana hetu, tudi Umulomba ne: nunemeke badi bakuata mudimu munkatshi muenu, bavua Mvidi Mukulu musungule bua kunulombola ne kunulongesha.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Ebrewu 13:24

Nuele balombodi benu bonsu muoyi, kabidi ne bantu bakuabu bonsu ba Mvidi Mukulu. Bana hetu ba mu Italiya badi banuela mioyi.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

3 Yone 1:8

Nunku tuetu, bena ditaba, tudi ne bua kuambuluisha bantu ba mushindu ewu, bua tudisange nabu mu mudimu wabu wa kumanyisha bantu bulelela.

Didimanyisha 2:3

Udi ne lutuulu. Uvua mumvue makenga bualu buanyi, kuyi utekesha mu maboku.