1 Korente 15:54 - MUKANDA WA MYIDI MUKULU

⁵⁴ Pikala tshidi tshibola tshimana kuandamuka tshienza tshidi tshishala kashidi, pikala tshidi tshifua tshimana kuandamuka tshienza tshidi katshiyi mua kufua, muaku ewu wa mu Mukanda wa tshijila udi ukumbana ne: “Mbabutule lufu, mbalutshimune kashidi!”

Mukanda wa Nzambi Dihungila Dikulukulu ne Dihungila Dihia-dihia 2003

⁵⁴ Hamana mubidi eu mubole kuluata udi kawi mubole, ne hamana mubidi eu udi ufua kuluata udi kawi ufua tshiendelele, hashishe, dî diakafundabo nedishike ne, Lufu luakaminyibua mu kulutamba kua Kilisto.

1 Korente 15:54 ပူးပေါင်းရင်းမြစ်များ

Yeshaya 25:8

Maweja-Nangila neajimije lufu kashidi. Maweja-Nangila, Mvidi Mukulu abakupule binsonji bionsu ku mesu abu. Mu ditunga dijima, neumushe kapeja kavuabu bapepeja naku bantu bende. Ke mudi Maweja-Nangila mulaye nanku. Bena Mowabe badi mu dikenga

Luke 20:36

Nanku kabatshiena mua kufua, bualu nebafuanangane ne batumibue ba Mvidi Mukulu. Badi bana ba Mvidi Mukulu, bualu mbabike ku lufu.

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

2 Korente 4:11

Matuku etu onsu a panu, tudi amu mu njiwu ya lufu bualu bua Yezu, bua muoyi udi Kristu ufila, umueneke kabidi mu mubidi wetu udi ne bua kufua.

2 Korente 5:4

Eyowa, patutshidi tusomba mu nzubu wetu wa panu ewu, tudi tutua mikemu bu bambule bujitu. Katuena basue kushiya mubidi wetu wa panu. Kadi tudi basue batubuikile ne mubidi wetu wa mu diulu, bua bidi ne bua kufua biandamuke bienze bia muoyi.

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

Didimanyisha 20:14

Kadi kuelabu lufu ne kandondu ka bafue mu mayi manene atema kapia. (Mayi manene adi atema kapia aa, ke lufu luibidi.)

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’