1 Korente 15:2 - MUKANDA WA MYIDI MUKULU

² Lumu alu ludi kutusungidila panudi nululama mushindu umvua munulongeshelu. Kanuyi benza nanku, nudi babuele mu njila wa ditaba anu patupu.

Mukanda wa Nzambi Dihungila Dikulukulu ne Dihungila Dihia-dihia 2003

² kudilu kunudi nusungidibua binuananukila kulonda dî dinakanuambila, binuikala kanui bitabushe hatuhu.

1 Korente 15:2 ပူးပေါင်းရင်းမြစ်များ

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Nsumuinu 4:13

Kuvidi bivuabu bakulongeshe. Ubivuluke: ke bidi bikupetesha muoyi.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Bienzedi 8:13

Simone kabidi kuitaba. Kumutuabu mu mayi. Kushalaye pabuipi ne Filipe. Uvua ukema bua bishima binene ne malu a dikema bivua bienzeka, yeye mumone.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Rome 11:22

Tangilayi mudi Mvidi Mukulu ne luse, kabidi ne disu dikole. Udi ne disu dikole kudi bavua balenduka, ukufuila wewe luse. Kadi wewe udi ne bua kunanukila ne dimunanga. Tshianana udi mua kukukosa ne wewe kabidi, kukumusha ku mutshi.

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 11:2

Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

1 Korente 15:14

Pikala Kristu kayi mubike ku lufu, katuena ne tshitudi mua kulongesha to. Kanuena ne tshinudi ne bua kuitaba to.

2 Korente 2:15

Bushuwa, tudi bu mulambu wa manananshi udi Kristu ulambula Mvidi Mukulu; tudi dipembu diawu didi ditangalaka kudi badi mu njila wa lupandu, ne kudi badi babutuka.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Ngalate 3:4

Malu manene onsu anudi bamone adi amu a patupu anyi? Nansha kakese! Tshiena mua kuitaba ne: neikale amu a patupu!

Efeze 2:8

Bualu Mvidi Mukulu mmutusungile amu ku luse luende patupu. Nuenu kanuvua ne tshia kuenza. Tshienu tshivua amu kuanyisha mu ditaba dipa edi dia lupandu dia kudi Mvidi Mukulu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

2 Tesalonike 2:15

Nanku, bana hetu, ikalayi bantu bashindame. Nuvuluke malongesha atuvua banuambile mukana, nansha atuvua banufundile mu mukanda.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

Ebrewu 10:23

Tulame bimpe ditekemena ditudi tuamba, bualu tudi bajadike ne: Mvidi Mukulu neakumbaje bivuaye mulaye.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Yakobe 2:14

Bana hetu, padi muntu wamba ne: “Ndi ngitaba,” kayi uleja ditaba mu bidiye wenza, neapete tshinyi? Ditaba dia nanku didi mua kumusungidila anyi?

Yakobe 2:17

Ke mudi kabidi ditaba. Padidi nkayadi, kadiyi didileja mu bitudi tuenza, ndifue.

Yakobe 2:26

Bualu bu mudi mubidi ufua padiwu kauyi ne mueyelu wa muoyi, ke mudi ditaba difua, padidi kadiyi didileja mu bitudi tuenza.