1 Korente 15:13 - MUKANDA WA MYIDI MUKULU

¹³ Pikala bafue bulelela kabayi babika ku lufu, nanku Kristu kabidi kavua mubike ku lufu nansha kakese.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bikalaku kakui dibika dia bafue, Kilisto kena muanze kubishibua kabidi;

1 Korente 15:13 ပူးပေါင်းရင်းမြစ်များ

Bienzedi 23:8

(Bualu Basaduke kabena bitaba ne: bafue nebabiike; nansha ne: batumibue ba Mvidi Mukulu ne mikishi bidiku. Kadi Baparushe badi bitaba bionsu abi).

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

Rome 8:23

Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.

1 Korente 15:12

Patudi tulongesha ne: Kristu mmubike ku lufu, mmunyi mudi bamue ba kunudi bamba ne: bafue kabakubika ku lufu?

1 Korente 15:14

Pikala Kristu kayi mubike ku lufu, katuena ne tshitudi mua kulongesha to. Kanuena ne tshinudi ne bua kuitaba to.

1 Korente 15:20

Kadi Kristu mmubike ku lufu bulelela. Ke patudi mua kujadika ne: bafue bakuabu kabidi nebabike ku lufu.

1 Tesalonike 4:14

Tudi bitabe ne: Yezu wakafua, wakabiika kabidi. Ke mutudi tuitaba kabidi ne: bantu bafue batekemene kudi Yezu, Mvidi Mukulu neababishe pamue nende.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.