1 Korente 14:2 - MUKANDA WA MYIDI MUKULU

² Bualu udi wakula miakulu idi bantu kabayi bamanye, kena uyukila ne bantu, kadi amu ne Mvidi Mukulu, bualu muntu nansha umue kena ujingulula bidiye wamba. Ku bukole bua Mueyelu udi wamba malu masokome.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua muntu udi wakula muaku udi bantu kabai bamanye, kena wakula kudi bantu kadi udi wakula kudi Nzambi; bualu bua kakuena muntu udi unvua dî diandi; kadi mu nyuma wandi yeye udi wamba malu atshidi masokoka.

1 Korente 14:2 ပူးပေါင်းရင်းမြစ်များ

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

Genese 42:23

Kabavua bamanye ne: Yozefe udi umvua bitudi tuamba to, bualu Yozefe uvua ne muntu uvua wandamuna mu muakulu wabu bivuaye uyukila nabu.

2 Bakalenga 18:26

Ke Elyakime, muana wa Ilkiya, Shebna, ne Yowa, kuambila mulombodi wa beledi ba mukalenga wa bena Ashure maluvu ne: — Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu muakulu wa bena Ebrewu, bualu bantu bonsu badi ku bimana badi anu batuteleja.

Misambu 78:2

Nengele lusumuinu, bua kunuambila malu avua menzeke kale.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Marke 4:11

Ke Yezu kubandamuna ne: — Nuenu, Mvidi Mukulu mmunumanyishe malu masokome a Bukalenga buende. Kadi bantu bakuabu badi bumvua malu onsu aa bu badi babambilawu mu nsumuinu,

Bienzedi 10:46

Bualu bavua bumvua bantu abu bakula miakulu ivuabu kabayi bamanye, batumbisha bunene bua Mvidi Mukulu. Ke Petro kuamba ne:

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 22:9

Bantu bafuvua nabu kumona butoke, kadi kabavua bumvua diyi dia uvua ungakuisha to.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

1 Korente 13:1

Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

1 Korente 14:16

Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

1 Korente 15:51

Mpindiewu ndi nnusokoluela bualu busokome: katuakufua bonsu, kadi bonsu netuandamuke,

1 Korente 2:10

KadiMvidi Mukulu mmutusokoluele tuetu bualu busokome ebu ku bukole bua Mueyelu wa Tshijila. Bualu Mueyelu udi mua kujingulula bionsu, nansha meji masokome menemene adi Mvidi Mukulu wela.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

Efeze 6:19

Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 3:9

Balamate ku malu a ditaba avuabu babalongeshe. Benze malu mimpe adi kondu ka munda kabambila.

Didimanyisha 10:7

Kadi diba diela mutumibue wa muanda mutekete mpungi, Mvidi Mukulu neakumbaje malu ende masokome, muvuaye mumanyishe bambi bende bavua bamukuatshila mudimu.