1 Korente 13:8 - MUKANDA WA MYIDI MUKULU

⁸ Dinanga kashidi kadiena dijimina. Dituku dikuabu bambi kabakuakula kabidi to. Bantu kabakuakula kabidi miakulu idi bantu kabayi bamanye. Kumanya malu masokome a Mvidi Mukulu nekujike.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Luse kaluena luhanga tshiendelele; kadi bikala mayisha a baprofete adiku, neashike; bikala miaku ya bantu idiku, neihue; bikala lungenyi ludiku, nelushikile.

1 Korente 13:8 ပူးပေါင်းရင်းမြစ်များ

Yirmeya 49:7

Maweja-Nangila wa bukole buonsu udi umanyisha malu adi atangila bena Edome, wamba ne: Bena meji kabena kabidi mu Temane anyi? Bena lungenyi lutue kabena mua kufila kabidi ngenyi anyi? Lungenyi luabu ndunyanguke anyi?

Luke 22:32

Kadi meme kukulombela kudi Mvidi Mukulu, bua kulenduki mu njila wa ditaba. Nanku pawapingana kundi, ukankamike bana benu.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 13:10

Kadi pamueneka bulelela bujima, bidi bishadile nebijimine.

1 Korente 13:13

Mpindiewu, bisatu abi bidi bishala: ke ditaba, ditekemena, ne dinanga. Kadi ku bisatu abi tshidi tshipite bikuabu ke dinanga.

1 Korente 14:39

Nenku bana hetu, nujinge kumanyisha bantu malu adi Mvidi Mukulu munuambile. Kadi kanukandiki badi bakula miakulu idi bantu kabayi bamanye.

1 Korente 8:2

Muntu udi wela meji ne: ndi mumanye, kena muanji kumanya mudiye ne bua kumanya.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.