1 Korente 13:6 - MUKANDA WA MYIDI MUKULU

⁶ Udi unanga, kena usanka padi muntu wenza bibi, kadi amu padiye wenza bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ kaluena lusanka bua malu mabi, ludi lusanka bua kuikala ne malu a bushua;

1 Korente 13:6 ပူးပေါင်းရင်းမြစ်များ

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Ekesode 18:9

Yetro kusanka bikole bua bilenga bionsu bivua Maweja-Nangila muenzele bena Izrayele bua kubapatula mu bupika bua bena Ejipitu.

Nsumuinu 14:9

Batshimbakane kabena bavuluka mua kulongolola ntupakanyi. Kadi bantu bakane badi amu benzelangana bimpe.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Osheya 4:8

Badi bapeta bubanji ku milambu idi bantu banyi bena buenzayi bandambula. Ke mudibu basue bua bena Izrayele benze buenzayi.

Osheya 7:3

Maweja-Nangila udi wamba ne: Badi basankisha mukalenga wabu, eku bamusokoka meji mabi adibu nawu. Badi baseka ne balombodi ba mu bukalenga, eku babasokoka bidibu basue kuenza.

Mika 7:8

Nuenu baluishi betu, kanutuseki mu dikenga dietu. Nansha tuetu badishinde panshi, netujuke kulu! Nansha tuetu mu midima, Maweja-Nangila udi butoke buetu.

Matayi 18:13

Ndi nnujadikila ne: padiye uupeta, udi usankidila mukoku ewu bipite disanka didiye nadi bua mikoku makumi tshitema ne tshitema ivua kayiyi mijimine.

Luke 22:5

Bamfumu kusanka bikole, kumulaya bua kumupesha makuta.

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Filipe 1:18

Kadi ebi bionsu kabiena ne bualu nansha! Nansha bakuata mudimu ne meji mimpe, nansha ne meji mabi, badi balongesha amu kulongesha Kristu. Ke tshidi tshipite kunsankisha. Nengikale amu ne musangelu,

Filipe 1:4

Diba dionsu dindi ntendelela Mvidi Mukulu bualu buenu, ndi ngumvua disanka.

Filipe 3:18

Mvua mumane kunuambila misangu ne misangu, ndi nnuambuluila kabidi mpindiewu ne binsonji ku mesu ne: bantu ba bungi kabena balonda njila muimpe ewu to. Ke mudibu baluisha mutshi mutshiamakane wa Yezu Kristu.

2 Tesalonike 2:12

Nenku bonsu bavua kabayi bitaba bulelela, bananga malu mabi, nebabanyoke.

2 Yone 1:4

Mvua ne disanka dipite, pamvua musangane bamue ba munkatshi mua bana bebe benda mu njila wa bulelela, muvua Tatu mututumine diyi.