1 Korente 13:5 - MUKANDA WA MYIDI MUKULU

⁵ Kena upanga kanemu, kena ukeba kudisankisha, kena ufika munda, kena ne njiya.

Mukanda wa Nzambi Dihungila Dikulukulu ne Dihungila Dihia-dihia 2003

⁵ luse kaluena luenza malu a dikamakama, kaluena ludikebela bintu, kaluena lukuata tshishi lubilu, kaluena lubala malu mabi adibo baluenzela;

1 Korente 13:5 ပူးပေါင်းရင်းမြစ်များ

2 Samuele 10:3

balombodi ba mu bukalenga bua bena Amone kuambila mfumuabu Anune ne: — Udi wela meji ne: Davide mmutume balombodi ba mu bukalenga buende anu bua kukusamba bua lufu lua tatuebe anyi? Mmubatume bua kutentekela tshimenga etshi, bua kutshikuatabu dituku dikuabu.

Yobe 21:27

Kadi ndi mumanye meji anudi nuela. Nudi nukeba kumpisha ne nkonku yenu.

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Yeshaya 3:5

Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Dibadika 16:15

Moshe kufika munda bikole bua diandamuna diabu adi. Kuambilaye Maweja-Nangila ne: — Kuitabi milambu yabu to. Katshia meme tshiena mubenzele bibi. Tshiena mubanyenge tshintu, nansha mpunde mene.

Dibadika 32:6

Moshe kubenga, wamba ne: — Kanuena mua kushala apa to. Bana benu kabena mua kuya ku mvita nkayabu to.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Matayi 9:4

Yezu umanya meji avuabu bela, kubakonkaye ne: — Nudi nuela meji mabi munda muenu bua tshinyi?

Marke 3:5

Yezu kubatangila bonsu ne tshiji, uvua kabidi ne kanyinganyinga bua muoyi mubi uvuabu nawu. Ke kuambilaye muntu awu ne: — Olola tshianza thiebe. Muntu kutshiolola, kuakanatshi.

Luke 7:39

Muparushe uvua mubikile Yezu, umona nanku, kuelaye meji ne: “Bu muntu ewu muambi wa Mvidi Mukulu bulelela, uvua mua kujingulula mukaji ewu, kumanya ne: mmuena malu mabi.”

1 Korente 10:24

Muntu nansha umue kakebi bidi bimulengelela yeye nkayende, kadi akebe bidi bilengelela bakuabu.

1 Korente 10:33

Ngidikijayi! Ndi ndibamba bua kusankisha bantu bonsu mu malu onsu. Tshiena nkeba bidi bindengelela meme, kadi bidi bilengelela bonsu, bua bapete lupandu.

1 Korente 11:18

Bualu bua kumpala: bayua bangambila ne: panudi nusangila, nudi nuabulukangana mu bisumbu bidi bifuilakana. — Ndi ngitaba bualu ebu tshitupa.

1 Korente 12:25

Ke muvuaye musue bua bidimba bishilangane bia mubidi bienze bionsu tshintu tshimue, biambuluishangane.

1 Korente 7:36

Tuyayi mu bualu bua badi babangilangana. Padi nsongalume ne dijinga dikole, umona ne: meme tshiyi musele nsongakaji awu, ndi mmuenzela bibi, mbimpe baselangane mudibu basue. Kabena benza bualu bubi to.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Filipe 2:21

Bantu bakuabu bonsu badi batata anu bua bidi bibalengelela bobu nkayabu. Kabena bakeba bidi bilengelela Kristu.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

2 Tesalonike 3:7

Nudi bamanye munudi mua kulonda tshilejilu tshietu. Bualu patuvua kuenu aku, katuvua bena lulengu to.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.