1 Korente 13:2 - MUKANDA WA MYIDI MUKULU

² Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

Mukanda wa Nzambi Dihungila Dikulukulu ne Dihungila Dihia-dihia 2003

² Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

1 Korente 13:2 ပူးပေါင်းရင်းမြစ်များ

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 17:20

Ke Yezu kubandamuna ne: — Bualu ditaba dienu kadiena dikumbane to. Ndi nnujadikila bulelela ne: bu nuenu ne ditaba bunene bua lutete lua mutshi wa lusanga, malu onsu adi anuteketela. Diba adi, nenutumine mukuna ewu diyi ne: “Umuke apa, uye papa,” mukuna kuya! [

Matayi 21:19

Kumonaye mutshi wa mfiku ku muelelu wa njila. Kuyaye pabuipi nawu, kusangana anu mabeji. Ke kutshipaye mutshi awu ne: — Wewe kuakukuama kabidi bimuma kashidi! Diakamue mutshi kuumawu.

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Rome 15:14

Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

1 Korente 11:4

Pikala muntu mulume utendelela munkatshi mua bantu, ne tshifulu ku mutu, nansha ubamanyisha malu avua Mvidi Mukulu mumuambile, udi uluisha Kristu bundu.

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

1 Korente 13:1

Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

1 Korente 13:3

Nansha meme muabanyangane bintu bianyi bionsu, nansha meme mufile mubidi wanyi bua bangoshe, meme tshiyi ne dinanga, kabiena bingenzela tshintu.

1 Korente 13:8

Dinanga kashidi kadiena dijimina. Dituku dikuabu bambi kabakuakula kabidi to. Bantu kabakuakula kabidi miakulu idi bantu kabayi bamanye. Kumanya malu masokome a Mvidi Mukulu nekujike.

1 Korente 14:29

Bambi badi batumanyisha bivua Mvidi Mukulu mubambile, badi mua kuakula kabidi amu babidi nansha basatu. Kadi bambi bakuabu bakonkonona bidibu bamba.

1 Korente 14:39

Nenku bana hetu, nujinge kumanyisha bantu malu adi Mvidi Mukulu munuambile. Kadi kanukandiki badi bakula miakulu idi bantu kabayi bamanye.

1 Korente 14:4

Udi wakula mu miakulu idi bantu kabayi bamanye, udi udikolesha amu yeye nkayende mu ditaba. Kadi udi umanyisha bantu malu adi Mvidi Mukulu mumuambile, udi wambuluisha Tshisumbu tshijima tshia bena ditaba.

1 Korente 15:51

Mpindiewu ndi nnusokoluela bualu busokome: katuakufua bonsu, kadi bonsu netuandamuke,

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Korente 4:1

Nudi ne bua kututangila bu bantu badi bakuatshila Kristu mudimu, badi ne bujitu bua kulongesha malu masokome a Mvidi Mukulu.

1 Korente 7:19

Nansha bakuteke panshi, nansha kabayi bakuteke panshi, ki mbualu to. Tshidi ne bualu nkutumikila mikenji ya Mvidi Mukulu.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

2 Korente 12:11

Mvua mudileje bu muntu mutatakane. Kadi nuenu nuvua bambidike bua ngenze nanku. Nuenu ke bayua mua kundumbuluila. Bualu nansha meme muntu wa patupu, tshiena mushadile kudi bapostolu benu banudi nuamba ne: mba kalandamusenga abu.

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Efeze 3:4

Nuenu baabale, nudi mua kujingulula mundi mupete lungenyi lua kumvua nalu bualu busokome budi butangila Kristu.

Efeze 6:19

Nundombele ne meme kabidi, bua Mvidi Mukulu ampeshe miaku mimpe mukana, misangu yonsu indi ne bua kuakula. Nanku nemmanyishe bualu busokome bua Lumu lua Disanka ne muoyi mushindame.

Kolose 1:26

Ke lumu luvuaye musokoke bantu bonsu mu bikondu bionsu, kadi ludiye musokoluele mpindiewu bantu bende.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Yone 4:8

Muntu udi kayi unanga, kena mumanye Mvidi Mukulu, bualu Mvidi Mukulu udi dinanga.