1 Korente 13:1 - MUKANDA WA MYIDI MUKULU

¹ Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Biakula ne ndimi ya bantu ne ya banjelo, kadi bingikala tshi ne luse, nakulua bu tshiamu tshia mitaku tshidibo bakuma, anyi bu dikasa didi diakula.

1 Korente 13:1 ပူးပေါင်းရင်းမြစ်များ

Misambu 150:5

Mutumbishayi ne ludibu lua muadi muimpe, mutumbishayi ne ludibu lua lumu.

Matayi 25:45

Mukalenga neabandamune ne: “Ndi nnujadikila bulelela ne: bilenga bionsu binuvua kanuyi benzele umue wa ku bakese aba, ke meme mene unuvua babenge kubienzela.”

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Rome 14:15

Paudi ubungamija muanenu bua biudi udia, kuena ulonda njila wa dinanga nansha. Kuena mua kujimija muanenu, uvua Kristu mufuile, amu bua biudi udia nansha.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 12:16

Padi ditshi diamba ne: “Tshiena disu; nanku tshiena tshidimba tshia mubidi,” bualu ebu kabuena budiumbusha ku mubidi to.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 13:8

Dinanga kashidi kadiena dijimina. Dituku dikuabu bambi kabakuakula kabidi to. Bantu kabakuakula kabidi miakulu idi bantu kabayi bamanye. Kumanya malu masokome a Mvidi Mukulu nekujike.

1 Korente 14:2

Bualu udi wakula miakulu idi bantu kabayi bamanye, kena uyukila ne bantu, kadi amu ne Mvidi Mukulu, bualu muntu nansha umue kena ujingulula bidiye wamba. Ku bukole bua Mueyelu udi wamba malu masokome.

1 Korente 14:4

Udi wakula mu miakulu idi bantu kabayi bamanye, udi udikolesha amu yeye nkayende mu ditaba. Kadi udi umanyisha bantu malu adi Mvidi Mukulu mumuambile, udi wambuluisha Tshisumbu tshijima tshia bena ditaba.

1 Korente 14:5

Ndi musue bua nuakule bonsu miakulu idi bantu kabayi bamanye. Kadi ndi mpita kujinga bua nuikale ne dipa dia kumanyisha bantu malu adi Mvidi Mukulu munuambile. Bualu udi ne dipa edi, udi utamba kuambuluisha bantu bipite muntu udi wakula miakulu idi bantu kabayi bamanye. Muntu udi wakula nanku udi mua kuambuluisha Tshisumbu tshijima tshia bena ditaba, amu padi muntu mua kumvuija bidiye wamba.

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

2 Korente 12:4

Muamua, uvua mumvue miaku idibu kabayi mua kuambulula, nansha kumvuija mu miakulu idi bantu ba panu bakula.

Ngalate 5:22

Kadi bidi Mueyelu wa Tshijila upetesha ke dinanga, disanka, ditalala, lutulu, diyi dilenga, muoyi muimpe, diyi dimue,

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

Didimanyisha 14:2

Meme kumvua diyi difumina mu diulu, dikungula bu bibila binene bia mayi, bu dikubakuba dikole. Kadi diyi adi divua diumvuika kabidi bu miadi ya bisanji bia lunzenze.