1 Korente 12:7 - MUKANDA WA MYIDI MUKULU

⁷ Mueyelu wa Tshijila udi umueneka munda mua muntu yonsu, ne dipa didi dilengelela bantu bonsu,

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi muntu ne muntu udi uheshibua dimueneka dia Nyuma bua kukuatshishangana.

1 Korente 12:7 ပူးပေါင်းရင်းမြစ်များ

Ekesode 28:3

Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

1 Korente 12:12

Bualu Kristu udi bu mubidi, udi umue, kadi muikale ne bidimba bivule. Kadi bidimba bionsu, nansha biobi bivule, bidi bienza mubidi amu umue.

1 Korente 14:12

Nanku bu munudi ne nzala ya kupeta mapa a kudi Mueyelu wa Tshijila, kebayi nangananga mapa adi ambuluisha Tshisumbu tshia bena ditaba.

1 Korente 14:17

Nansha wewe utendelela bimpe bitambe, wela Mvidi Mukulu tuasakidila, kuena wambuluisha muntu awu mu ditaba diende nansha.

1 Korente 14:19

Kadi padi bena ditaba badisanga pamue, ndi musue kuakula miaku itanu idi yumvuika, bua kulongesha bakuabu, pamutu pa kuakula miaku binunu ne binunu mu miakulu idi bantu kabayi mua kumvua.

1 Korente 14:5

Ndi musue bua nuakule bonsu miakulu idi bantu kabayi bamanye. Kadi ndi mpita kujinga bua nuikale ne dipa dia kumanyisha bantu malu adi Mvidi Mukulu munuambile. Bualu udi ne dipa edi, udi utamba kuambuluisha bantu bipite muntu udi wakula miakulu idi bantu kabayi bamanye. Muntu udi wakula nanku udi mua kuambuluisha Tshisumbu tshijima tshia bena ditaba, amu padi muntu mua kumvuija bidiye wamba.