1 Korente 12:3 - MUKANDA WA MYIDI MUKULU

³ Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

Mukanda wa Nzambi Dihungila Dikulukulu ne Dihungila Dihia-dihia 2003

³ Nunku ndi numanyisha ne, Kakuena muntu udi wakula mu Nyuma wa Nzambi, udi wamba ne, Yesu udi muedibue mulau; ne kakuena muntu udi mua kuamba ne, Yesu udi Mukelenge, bikaleye kai mu Nyuma Muimpe.

1 Korente 12:3 ပူးပေါင်းရင်းမြစ်များ

Misambu 109:20

Ke mudi Maweja-Nangila wenzela bonsu badi bansonguela kudiye, ne badi banjana nanku.

Matayi 22:43

Yezu kubebeja ne: — Kadi mmunyi muvua Davide, uvuabu balombola kudi Mueyelu wa tshijila, umubikila ne: “Mfumu?” Bualu Davide uvua wamba ne:

Marke 9:39

Kadi Yezu kuandamuna ne: — Kanumukandiki nansha, bualu muntu kena mua kuenza tshishima mu dina dianyi, diakamue, kunyima kunyanga lumu luanyi to.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yowanane 13:14

Pangikala meme Mulongeshi kabidi Mfumu munoweshe mayi ku makasa, nuenu kabidi nudi ne bua kuoweshangana mayi ku makasa.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Bienzedi 8:37

Filipe kumuandamuna ne: — Pawikala muitabe ne muoyi webe mujima, badi mua kukutua mu mayi. Ke muntu awu kuandamuna ne: — Ndi ngitaba ne: Yezu-Kristu ke Muana wa Mvidi Mukulu!]

Rome 10:9

Paudi ujadika mukana muebe ku mesu kua bonsu ne: Yezu udi Mfumu, paudi witaba mu muoyi webe ne: Mvidi Mukulu mmumubishe ku bafue, neupande.

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Dielulula 21:23

tshitalu atshi katshiladi kulu butuku to. Nutshijike amu dituku adi. Bualu tshitalu tshishale mushindu awu, tshidi mua kukebela bena ditunga dinyoka kudi Mvidi Mukulu. Nanku nudimuke, ditunga didi Maweja-Nangila Mvidi Mukulu wenu munupe bua kukuata, kanudinyangakaji ne mikiya to.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,