1 Korente 12:1 - MUKANDA WA MYIDI MUKULU

¹ Ndi ngandamuna mpindiewu ku nkonku inuvua bangele bua bidi bitangila mapa a kudi Mueyelu wa Tshijila. Bana hetu, ndi musue bua nujingulule bimpe mudi mapa aa.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bana betu, tshiena musue nuenu nuhange kumanya bualu bua bihedi bia kudi Nyuma.

1 Korente 12:1 ပူးပေါင်းရင်းမြစ်များ

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

1 Korente 10:1

Bana hetu, ndi musue bua nuvuluke bivua bienzekele bankambua hetu bayua baya ne Moshe. Divuba divua dibalama bonsu. Ke mutotabu basabuke mayi manene Makunze kakuyi bualu.

1 Korente 14:37

Padi muntu wela meji ne: ndi muambi, nansha ne: ndi mupete dipa kudi Mueyelu, amanye ne: bindi munufundile ebi mmukenji wa kudi Mfumu.

2 Korente 1:8

Bana hetu, tudi basue bua numanye ne: makenga makole avua matukuate mu buloba bua Aziya. Avua matunemene bujitu. Bujitu abu buvua butupite bukole. Katutshivua batekemene kabidi ne: netushale ne muoyi.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

1 Tesalonike 4:13

Bana hetu, tudi tujinga bua numanye mu bulelela malu adi atangila bantu bafue, bua kanubungami bu bantu bakuabu badi kabayi ne ditekemena.

2 Petro 3:8

Bana hetu basuibue, kudi bualu bumue bunudi kanuyi mua kupua muoyi. Kudi Mfumu dituku dimue didi bu bidimu tshinunu, bidimu tshinunu bidi bu dituku dimue.