1 Korente 11:34 - MUKANDA WA MYIDI MUKULU

³⁴ Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bikala muntu ne nsala, adie biandi kuandi, bua kanudisangishi bua kulumbuluishibua. Ne meme nendongolole malu makuabo hanalua.

1 Korente 11:34 ပူးပေါင်းရင်းမြစ်များ

1 Korente 11:33

Nanku, bana hetu, panudi nudisangisha ku didia dia Mfumu, indilanganayi.

1 Korente 16:1

Ndi ngandamuna kabidi ku nkonku inuvua bela pa bintu bidibu basangishila Tshisumbu tshia bena ditaba badi mu Yerushalayime. Nulonde mikenji imvua muelele Bisumbu bia bena ditaba ba mu Ngalatiya.

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

1 Korente 16:5

Meme mumane kupitshila mu buloba bua Masedoniya, nemfike kuenu aku, (bualu ndi ndonda njila wa Masedoniya.)

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

1 Korente 4:19

Kadi pasua Mfumu, nemfike kuenu aku lukasa. Diba adi tshiakumanya amu miaku ya badi badiela mulu abu, kadi nenjingulule kabidi bidibu mua kuenza.

1 Korente 7:17

Pa kumusha amu bualu bumvua munuambile abu, ndi ngela mukenji ewu mu Bisumbu bionsu bia bena ditaba ne: muntu yonsu asombe bilondeshile dipa divuaye mupete kudi Mvidi Mukulu, kabidi ashale muvuaye diba divua Mvidi Mukulu mumubikile.

Tite 1:5

Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.