1 Korente 11:22 - MUKANDA WA MYIDI MUKULU

²² Kanuena mua kudila ne kunuina ku mbanza yenu anyi? Nudi nupetula Tshisumbu tshia bena ditaba bua tshinyi? Nudi nuluisha badi bianza bitupu bundu bua tshinyi? Nudi basue nmuambile tshinyi? Bua nnuele kalumbandi anyi? Nansha kakese! Tshiena mua kunuela kalumbandi bua malu a nanku nansha!

Mukanda wa Nzambi Dihungila Dikulukulu ne Dihungila Dihia-dihia 2003

²² Kanuena ne nsubu bua nuenu kudiamu ne bua nuenu kunuamu, anyi? Nudi nuhetula ekelesia wa Nzambi ne nudi basue kufuisha badi kabai ne bia kudia bundu, anyi? Ndi nuambila tshinyi? Nenutumbishe, anyi? Tshiena nutumbisha bua bualu ebu.

1 Korente 11:22 ပူးပေါင်းရင်းမြစ်များ

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 11:17

Bua bindi mua kunulongesha mpindiewu, tshiena mua kunuela kalumbandi to. Bualu bisangilu bienu bia ditendelela kabiena binulengelela, kadi bidi binuenzela bibi.

1 Korente 11:2

Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

1 Korente 15:9

Bulelela, ndi mushadile kudi bapostolu bonsu, tshiena nansha mukumbane bua bambikile mupostolu, bualu mvua mukengeshe Tshisumbu tshia bena ditaba.

1 Timote 3:15

Kadi bu meme munengakane mutantshi, mukanda ewu neukumanyishe bidi bantu ne bua kuenza mu diku dia Mvidi Mukulu, mbuena kuamba ne: mu Tshisumbu tshia bantu badi bitaba Mvidi Mukulu wa muoyi, udi dikunji ne nshindamenu wa bulelela.

1 Timote 3:5

Bualu padi muntu kayi mumanye mua kulombola nzubu wende, udi mua kuludika Tshisumbu tshia bena ditaba munyi?