1 Korente 11:16 - MUKANDA WA MYIDI MUKULU

¹⁶ Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi biasua muntu kutandangana bua buala ebu, katuena ne tshilele tshia nunku, ne ekelesia ya Nzambi kayena nʼatshi kabidi.

1 Korente 11:16 ပူးပေါင်းရင်းမြစ်များ

Yirmeya 32:11

Pashishe meme kuangata mukanda uvuabu bakanga ne tshitampi, mudi mikenji yambe, kuangata kabidi mukanda mukuabu uvuabu kabayi bakange.

Bienzedi 21:21

Kadi bavua babambile ne: Polu udi ulongesha bena Yuda bonsu, badi basomba munkatshi mua bisamba bikuabu, ne: kanulondi mikenji ya Moshe, kanuteki bana benu panshi, nulekele bibidilu bia bena Yuda.

Bienzedi 21:24

Ubangate, uye nabu. Wikaleku, padibu badikobolola. Ubafutshile mushinga, bua babeyishe nsuki. Nanku bantu bonsu mbajadike ne: mbakujane patupu, bualu wewe mene udi amu ukumbaja mikenji ya Moshe.

1 Korente 11:15

kadi bidi lumu padi mukaji ne nsuki mile, bualu mukaji mmupete nsuki mile bua kudibuikila nayi bu tshitambala.

1 Korente 16:1

Ndi ngandamuna kabidi ku nkonku inuvua bela pa bintu bidibu basangishila Tshisumbu tshia bena ditaba badi mu Yerushalayime. Nulonde mikenji imvua muelele Bisumbu bia bena ditaba ba mu Ngalatiya.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Korente 7:17

Pa kumusha amu bualu bumvua munuambile abu, ndi ngela mukenji ewu mu Bisumbu bionsu bia bena ditaba ne: muntu yonsu asombe bilondeshile dipa divuaye mupete kudi Mvidi Mukulu, kabidi ashale muvuaye diba divua Mvidi Mukulu mumubikile.

1 Korente 9:1

Tshiena mua kuenza mundi musue anyi? Tshiena mupostolu anyi? Tshiona mumone Yezu Mfumu wetu anyi? Nuenu kanuena tshipeta tshia ku mudimu undi mukuatshile Mfumu anyi?

1 Korente 9:6

Nanku amu meme ne Barnabase, ke badi ne tshilumbu tshia kukuata mudimu ne bianza, bua kupeta tshiakudia tshietu anyi?

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.