1 Korente 10:23 - MUKANDA WA MYIDI MUKULU

²³ Bamue badi bamba ne: “Tudi mua kuenza muonsu mutudi basue.” Eyowa, kadi bionsu kabiena bimpe to. “Tudi mua kuenza muonsu mutudi basue,” kadi bionsu kabiena bilengelela Tshisumbu tshia bena ditaba to.

Mukanda wa Nzambi Dihungila Dikulukulu ne Dihungila Dihia-dihia 2003

²³ Malu onso adi mimpe a kuenza, kadi malu onso kêna atukuatshisha; malu onso adi mimpe a kuenza, kadi malu onso kêna atudiundisha.

1 Korente 10:23 ပူးပေါင်းရင်းမြစ်များ

Rome 14:15

Paudi ubungamija muanenu bua biudi udia, kuena ulonda njila wa dinanga nansha. Kuena mua kujimija muanenu, uvua Kristu mufuile, amu bua biudi udia nansha.

1 Korente 14:12

Nanku bu munudi ne nzala ya kupeta mapa a kudi Mueyelu wa Tshijila, kebayi nangananga mapa adi ambuluisha Tshisumbu tshia bena ditaba.

1 Korente 14:17

Nansha wewe utendelela bimpe bitambe, wela Mvidi Mukulu tuasakidila, kuena wambuluisha muntu awu mu ditaba diende nansha.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

1 Korente 6:12

Bamue ba kunudi badi bamba ne: “Ndi mua kuenza bionsu bindi musue.” Bidi nanku! Kadi bionsu kabiena bikulengelela nansha. Mvua mua kuamba ne: “Ndi mua kuenza bionsu bindi musue,” kadi tshiena mua kudienza mupika wa muntu, nansha wa tshintu.

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

1 Korente 8:9

Kadi dimukayi! Bualu panudi nuenza nanku, nudia bionsu binudi basue, bumue nudi mua kulenduisha badi batekete mu ditaba.

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

1 Tesalonike 5:11

Nanku nukoleshangane ku muoyi, nuambuluishangane, anu munukadi nuenza amu.

1 Timote 1:4

Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.