1 Korente 10:16 - MUKANDA WA MYIDI MUKULU

¹⁶ Vulukayi dikopu ditudi tuela nadi Mvidi Mukulu tuasakidila, tumutumbisha. Patudi tunuinamu, katuena tudisanga ne mashi a Kristu anyi? Vulukayi diampa ditudi tukosa, diabanyangana. Patudi tudidia, katuena tudisanga ne mubidi wa Kristu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Luhanza lua disanka lutudi tuvuidishila disanka kaluena buobumue buetu mu mashi a Kilisto, anyi? Ne mutanda wa bidia utudi tutshibula kawena buobumue buetu mu mubidi wa Kilisto, anyi?

1 Korente 10:16 ပူးပေါင်းရင်းမြစ်များ

Luke 22:17

Ke Yezu kuangata dikopu, kuela Mvidi Mukulu tuasakidila, wamba ne: — Angatayi dikopu edi dia nwinyo, nunue bonsu.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 20:11

Pashishe kubandaye tshiakabidi kulu, kudiabu Didia dia Mfumu. Yeye mumane kulongesha kabidi tshitupa tshile too ne ku dinda, ke kushisha kuyaye.

Bienzedi 20:7

Disambombu dilolu, tuvua basangile bua Didia dia Mfumu Polu uvua uyukila ne bantu bavua basangile netu. Kutungunukaye ne dilongesha too ne mundankulu mua butuku, bualu uvua ne bua kubashiya patshiabu.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

1 Korente 10:15

Nudi bantu ba lungenyi. Jingululayi bindi ngamba ebi.

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.